محبوبِ ذوالجلال ہے میرے نبیؐ کی ذات
عنوانِ قیل و قال ہے میرے نبیؐ کی ذات
Mahboob-e-Zuljalal hai mere Nabiؐ ki zaat
Unwan-e-Qeil o Qal hai mere Nabiؐ ki zaat
کون و مکاں میں آپ سا ہو گا نہ کوئی ہے
بے مثل و بے مثال ہے میرے نبیؐ کی ذات
Kon o Makan mein aap sa ho ga na koi hai
Be misal o be misaal hai mere Nabiؐ ki zaat
رطب للسان غیر بھی مدح و ثنا میں ہیں
کس درجہ باکمال ہے میرے نبیؐ کی ذات
Ratb ul Lisan ghair bhi madah o sana mein hain
Kis darja ba kamal hai mere Nabiؐ ki zaat
ہے مہر و مہ کی روشنی جس کے وجود سے
وہ حُسنِ لا زوال ہے میرے نبیؐ کی ذات
Hai mehr o mah ki roshni jis ke wajood se
Woh husn-e-la zawal hai mere Nabiؐ ki zaat
اُمّت کسی عدوّ سے بھلا خوف کھائے کیوں
اس کے لئے تو ڈھال ہے میرے نبیؐ کی ذات
Ummat kisi adoo se bhala khauf khaye kyon
Us ke liye to dhal hai mere Nabiؐ ki zaat
ہر صاحبِ کمال ہے جس در پہ سرنگوں
وہ منبعِ کمال ہے میرے نبیؐ کی ذات
Har sahib-e-kamal hai jis dar pe sar nigo
Woh manba-e-kamal hai mere Nabiؐ ki zaat
Share This Naat
Share with friends and family
محبوبِ ذوالجلال ہے میرے
حافظ عبدالجلیل