پل دے پئے نے دو جہاں صدقے حضور دے
وسدے پئے نے سب گراں صدقے حضور دے
Pal de paye ne do jahan sadqay Huzoor de
Wasde paye ne sab garan sadqay Huzoor de
صدقے حضور دے بچی کشتی سی نوح دی
پائی خلیل سی اماں صدقے حضور دے
Sadqay Huzoor de bachi kishti si Nooh di
Payi Khaleel si amma sadqay Huzoor de
آدم تے حوا پاک دا کر دیتا سی ملاپ
اللہ نے ہو کے مہرباں صدقے حضور دے
Adam te Hawwa pak da kar ditta si milaap
Allah ne ho ke meherbaan sadqay Huzoor de
آسمان قائم آپ دے صدقے نے ایہہ تمام
ثابت نے سبھے دھرتیاں صدقے حضور دے
Aasman qaim aap de sadqay ne eh tamam
Saabit ne sabhe dhartiyan sadqay Huzoor de
آدم دا علم دیکھ کے آدم دی ذات نوں
عده سی کیتا قُدسیاں صدقے حضور دے
Adam da ilm dekh ke Adam di zaat nu
Ahdah si kita qudsiyan sadqay Huzoor de
حالی تے رو رو ہجر وچ گھڑیاں ہاں گن رہیا
آخر مدینہ ویکھناں صدقے حضور دے
Haali te ro ro hijr vich gadhiyan haan gin rehya
Akhir Madina vekhnan sadqay Huzoor de
اک وی عمل نہیں کم دا پلے غریب دے
صائم نوں اللہ بخشتاں صدقے حضور دے
Ik vi amal nahi kam da palle ghareeb de
Sa'im nu Allah bakhstaan sadqay Huzoor de
Share This Naat
Share with friends and family
پل دے پئے نے دو جہاں صدقے حضور دے
علامہ صائم چشتی