قدماں چہ آئیاں جو وی سینے نال لالیاں
سوہنا مرا دیکھدا نہیں گوریاں تے کالیاں
Qudmaan cheh aaiyaan jo vi seenay naal laaliyaan
Sohna mera dekhda nahi goriyan te kaaliyaan
کرنی ایں ریس کہنے اوناں دے نصیباں دی
جہناں نے وی چم لیاں روضے دیاں جالیاں
Karni ae rays kehne ona de naseebaan di
Jehnaan nay vi cham liyaan rozay diyaan jaaliyaan
خیر دیکے منگتیاں نوں خیراں وی نے منگدے
دسو انج کرنیاں نے کہنے لج پالیاں
Khair deke mangtiyaan noo kheraan vi nay mangde
Dasso inj karniyaan ne kehne laj paaliyaan
اک دن آوے گا ضرور سوہناں خواب و چہ
بھیج دا رہو سوہنے نوں دروداں دیاں ڈالیاں
Ik din aave ga zaroor sohnan khawb o cheh
Bheej da raho sohnay noo duroodaan diyaan daaliyaan
دوستا حضور دیاں محفلاں سجایا کر
گھر تیرے رہن گیاں سدا خوشحالیاں
Doosta huzoor diyaan mahfilaan sajaya kar
Ghar tere rehen giyaan sada khushhaaliyaan
تپدیاں پتھراں تے لٹیناں وی پیندا اے
یاریاں نبھائیاں نہیں اینیاں سکھالیاں
Tapadiyaan pathraan te latinaan vi peenda ae
Yaariyaan nibhaaiyaan nahi aniayaan sukhaliaaan
مٹھی ابوجہل دی چہ بول پیاں کنکراں
میرے نبی پاک دیاں شاناں نے نرالیاں
Mithi abu jahal di cheh bol piaan kankaraa
Mere Nabi Pak diyaan shanaan nay naraaliyaan
عشق وچہ سوہنے دے نیازی جیہڑے روندے نے
اونہاں دیاں اکھیاں چہ رہندیاں نے لالیاں
Ishq wicheh sohnay de Niazi jehray rondde nay
Ohnah diyaan akhiyaan cheh rehndiyaan nay laaliyaan
Share This Naat
Share with friends and family
قدماں چہ آئیاں جو وی سینے نال لالیاں
عبدالستار نیازی