مصطفیٰ صلِّ علیٰ سید و سرور کے طفیل
اے خدا بخش دے مجھ کو رخِ انور کے طفیل
Mustafa salli ala syed o sarwar ke tufail
Ay Khuda bakhsh de mujhe rukh-e-anwar ke tufail
دیں کے اعدا پہ مرے رب مجھے غالب رکھنا
فتح و نصرت دے مجھے فاتحِ خیبر کے طفیل
Deen ke a'da pe mere Rab mujhe ghalib rakhna
Fath o nusrat de mujhe fatih-e-Khyber ke tufail
کیوں نہ ہم روضہء سرکار کی تعظیم کریں
معرفت حق کی ہوئی ہے ہمیں اس در کے طفیل
Kyun na hum rauza-e-sarkar ki t'azim karein
Ma'rifat-e-Haq ki hui hai humein is dar ke tufail
ہیں گنہگار مگر اتنا یقیں ہے ہم کو
مغفرت پائیں گے ہم شافعِ محشر کے طفیل
Hain gunahgar magar itna yaqeen hai hum ko
Maghfirat paein ge hum shaf'i-e-mahshar ke tufail
یوں تو ساقی تھے کئی میکدہء وحدت میں
تشنگی دور ہوئی ساقیِ کوثر کے طفیل
Yun to saqi the kayi maikada-e-wahdat mein
Tashnagi door hui saqi-e-Kausar ke tufail
نظمی قرآن کی تفسیر بتاتی ہے کہ ہے
روشنی شمس و قمر میں رخِ انور کے طفیل
Nazmi Qur'an ki tafseer batati hai ke hai
Roshni Shams o Qamar mein rukh-e-anwar ke tufail
Share This Naat
Share with friends and family
مصطفیٰ صلِّ علیٰ سید و سرور کے طفیل
سید آل رسول حسنین میاں برکاتی نظمی