منارِ رشدو ہدایت، سحابِ رحمت و جُود
مرے رسولؐ کا اسوہ، مرے نبیؐ کا وجود
Manar-e-rashdo hidayat, sahab-e-rahmat o jood
Mere Rasool ﷺ ka uswa, mere Nabi ﷺ ka wajood
طلوعِ مہر رسالت وداعِ ظلمتِ شب
مرے رسولؐ کی بعثت ہے صبحِ نو کی نمود
Tulu-e-mehr-e-risalat wida-e-zulmat-e-shab
Mere Rasool ﷺ ki basat hai subh-e-nau ki namood
مرے حضورؐ کے در پر لگی ہے سب کی نگاہ
مرے نبیؐ سے ہے وابستہ خَلق کی بہبود
Mere Huzoor ﷺ ke dar par lagi hai sab ki nigah
Mere Nabi ﷺ se hai wabasta khalq ki bahbood
نبیؐ کے دم سے روانی ہے نبضِ دوراں میں
نبیؐ کے عزم سے ہے پاش سِحرِ جمود
Nabi ﷺ ke dam se rawani hai nabz-e-doran mein
Nabi ﷺ ke azm se hai paash-sehr-e-jamood
نبیؐ نے ضربتِ خُلقِ عظیم سے توڑے
کدورتوں کے طلسمات ، رنگتوں کے قیود
Nabi ﷺ ne zarbat-e-khuluq-e-azeem se tore
Kaduratoun ke tilismat, rangatoun ke quood
خدائے پاک کے ممدوح اور مدح سرا
مرے نبی ؐ ہیں بیک وقت حامد و محمود
Khuda-e-Pak ke mamdooh aur madah sara
Mere Nabi ﷺ hain ba-ik waqt Hamed o Mahmood
مرے نبیؐ کی ضرورت ہے ہر جگہ، ہر دم
ہو عرصہ گاہِ قیامت، عدم ہو یا موجود
Mere Nabi ﷺ ki zarurat hai har jagah, har dam
Ho arsa gah-e-qayamat, adam ho ya moujood
مرے نبیؐ کی ریاست میں ہیں سبھی تائبؔ
یہ بحروبر، یہ خلاوملا، یہ چرخِ کبود
Mere Nabi ﷺ ki reyasat mein hain sabhi Taib
Yeh bahrobar, yeh khlawmla, yeh charkh-e-kabood
Share This Naat
Share with friends and family
منارِ رشدو ہدایت، سحابِ رحمت و جُود
حفیظ تائب