شاہؐ کے فیض سے انسان کا ہر کام چلا
قلب روشن ہُوا، توقیر بڑھی، نام چلا
Shah ke faiz se insaan ka har kaam chala
Qalb roshan huwa, tauqeer barhi, naam chala
سلسلہ ایسا کوئی گردشِ ایّام! چلا
راہِ طیبہ میں مجھے تُو، سحر و شام چلا!
Silsila aisa koi gardish-e-ayyaam! chala
Raah-e-Tayba mein mujhe tu, sehar o shaam chala!
جس فرشتے نے کیا فرش سے تا عرش سفر
چُوم کر روضۂ اقدس کے دَر و بام چلا
Jis farishte ne kiya farsh se ta arsh safar
Choom kar roza-e-aqdas ke dar o baam chala
سب کا سرمایہ ہے یہ دینِ رسوؐلِ عربی
ایسا سکّہ، کہ زمانے میں سرِ عام چلا
Sab ka sarmaya hai ye deen-e-Rasool-e-Arabi
Aisa sikka, ke zamane mein sar-e-aam chala
تشنگی ڈوب گئی موجۂ سیرابی میں
حوضِ کوثر پہ عجب سلسلۂ جام چلا
Tashnagi doob gayi moja-e-seyrabi mein
Hauz-e-Kausar pe ajab silsila-e-jam chala
گُمرہی اُس کا نصیبہ ہے، تباہی تقدیر
ہو کے دنیا میں جو بیگانہ اسلام چلا
Gumrahi us ka naseeba hai, tabahi taqdeer
Ho ke duniya mein jo begaana Islam chala
اک جھلک اپنی دکھا دو، کہ ٹھہر جائے یہ دل
ورنہ ہاتھوں سے مِرے تو سنِ ایّام چلا
Ek jhalak apni dikha do, ke thehar jaye ye dil
Warna haathon se mire to sun-e-ayayam chala
اُس جواں بخت کے منزل نے قدم چُومے ہیں
جادۂ عشقِ محمدؐ میں جو دوگام چلا
Us jawaan bakht ke manzil ne qadam choome hain
Jada-e-ishq-e-Muhammad mein jo do gaam chala
مرحلہ پُرسشِ اعمال کا تھا سخت نصیرؔ!
مِل گیا اُن کا سہارا، تو کہیں کام چلا
Marhala pursish-e-aamaal ka tha sakht Naseer!
Mil gaya un ka sahara, to kahin kaam chala
Share This Naat
Share with friends and family
شاہؐ کے فیض سے انسان کا ہر کام چلا
سید نصیرالدیں نصیر