سارے بڑوں سے تو ہی بڑا ہے خدا کے بعد
ہوگا کوئی نہ تجھ سا ہوا ہے خدا کے بعد
Saare baron se tu hi bara hai Khuda ke baad
Hoga koi na tujh sa hua hai Khuda ke baad
صدیوں سے پھیلتی ہوئی اس کائنات کو
جو کچھ دیا ہے تُو نے دیا ہے خدا کے بعد
Sadiyon se phailti hui is kainat ko
Jo kuch diya hai tu ne diya hai Khuda ke baad
اُکھڑی ہے جب بھی سانس مری غم کے بوجھ سے
تیرا دریچہ مجھ پہ کھُلا ہے خدا کے بعد
Ukhri hai jab bhi sans meri gham ke bojh se
Tera daricha mujh pe khula hai Khuda ke baad
جب بھی مجھے ہوا ہے مصائب کا سامنا
تیری طرف خیال گیا ہے خدا کے بعد
Jab bhi mujhe hua hai musaib ka samna
Teri taraf khayal gaya hai Khuda ke baad
اپنی عقیدتوں کی مقدس کتاب میں
انجؔم نے تیرا نام لکھا ہے خدا کے بعد
Apni aqidaton ki muqaddas kitaab mein
AnjJm ne tera naam likha hai Khuda ke baad
Share This Naat
Share with friends and family
سارے بڑوں سے تو ہی بڑا ہے خدا کے بعد
انجم نیازی