مَیں، اور مجھ کو اور کسی دِلربا سے عشق؟
خیرالورٰیؐ سے عشق ہے خیر الورٰیؐ سے عشق
Main, aur mujh ko aur kisi dilruba se ishq?
Khiralurra se ishq hai khiralurra se ishq
دُنیا کی مجھ کو چاہ نہ اُس کی ادا سے عشق
دونوں جہاں میں بس ہے مجھے مصطفیٰؐ سے عشق
Duniya ki mujh ko chah na us ki ada se ishq
Dono jahan mein bas hai mujhe Mustafa se ishq
وہ آخرت کی راہ کو ہموار کر چلا
جس کو بھی ہوگیا ہے شہِؐ انبیا سے عشق
Woh akhrat ki rah ko hamwar kar chala
Jis ko bhi hogaya hai Sheh-e-Anbiya se ishq
کچھ اور مجھ کو کام نہیں اِس جہان میں
اپنے نبی ؐ سے عشق ہے، اپنے خدا سے عشق
Kuch aur mujh ko kaam nahin is jahan mein
Apne Nabi se ishq hai, apne Khuda se ishq
دُنیا کی دوستی تو زیاں ہے، فریب ہے
اسلام میں روا نہیں اِس بے وفا سے عشق
Duniya ki dosti to ziyan hai, fareb hai
Islam mein rawa nahin is bevafa se ishq
سَر میں سُرور، آنکھوں میں ٹھنڈک ہے، دل میں کیف
جب سے ہُوا دیارِ نبیؐ کی ہوا سے عشق
Sar mein suroor, aankhon mein thandak hai, dil mein kaif
Jab se hua diyare Nabi ki hua se ishq
دیوانۂ رسولؐ و علیؓ و حسینؓ کو
طیبہ کی دُھن، نجف کی لگن، کربلا سے عشق
Deewana-e-Rasool wa Ali wa Hussain ko
Taiba ki dhun, Najaf ki lagan, Karbala se ishq
معراجِ بندگی کی تمنّا میں رات دن
میری جبیں ہے اور درِ مصطفیٰؐ سے عشق
Mairaj-e-bandagi ki tamanna mein raat din
Meri jabeen hai aur dar-e-Mustafa se ishq
پہلے نبیؐ کے عشق میں مدہوش ہو نصیرؔ
پھر یہ کہے کوئی کہ مجھے ہے خدا سے عشق
Pehle Nabi ke ishq mein madhosh ho Naseer
Phir yeh kahe koi ke mujhe hai Khuda se ishq
Share This Naat
Share with friends and family
مَیں، اور مجھ کو اور کسی دِلربا سے عشق؟
سید نصیرالدیں نصیر