گھیرے ہوئے ہیں رنج و مصائب غم و الم
سرکار ہو کرم مرے سرکار ہو کرم
Ghire hue hain ranj o masayib gham o alam
Sarkar ho karam mere Sarkar ho karam
اپنی جبینِ شوق درِ شہ پہ ہے جو خم
دنیا اسے نہ سمجھے کبھی سجدۂ صنم
Apni jabeen-e-shauq dar-e-sheh pe hai jo kham
Duniya use na samjhe kabhi sajda-e-sanam
رب کے حضور جھکتا ہے اپنا سرِ نیاز
دل کی جبیں جھکائیں درِ مصطفیٰؐ پہ ہم
Rab ke huzoor jhukta hai apna sar-e-niyaz
Dil ki jabeen jhukaye dar-e-Mustafaﷺ pe hum
ٹھوکر میں اپنی رکھتا ہے تاجِ شہنشہی
جو بھی ہے خرقہ پوش گدائے درِ حرم
Thokar mein apni rakhta hai taj-e-shahnshahi
Jo bhi hai khirqa posh gadaiye dar-e-haram
جب کوئی کر سکا نہ بیاں وصفِ مصطفیٰؐ
ممکن نہیں ہے نعتِ نبیؐ کرسکوں رقم
Jab koi kar saka na bayan wasf-e-Mustafaﷺ
Mumkin nahin hai naat-e-nabiﷺ kar sakun raqam
ہم سے متاعِ حُبِ پیمبر کو چھین لیں
ایمان کے لٹیروں میں اتنا کہاں ہے دم
Hum se mataa-e-hub-e-paighambar ko cheen lein
Emaan ke lutero mein itna kahan hai dam
مقبولیت دعا کی اگر رب سے چاہیے
مانگو نبیؐ کے صدقے میں دل سے بچشمِ نم
Maqbooliyat dua ki agar Rab se chahiye
Mango nabiﷺ ke sadqe mein dil se bachashm-e-nam
یا رب دکھا دے کوئے نبیؐ فضلِ خاص سے
طیبہ بہت ہے دور وسائل نہیں بہم
Ya Rab dikha de kooye nabiﷺ fazl-e-khas se
Taiba bohot hai dur wasail nahi baham
ہم عاصیوں کی حشر میں رکھ لیجیے گا لاج
اے شافعِ بروزِ جزا، اے شہِ اممؐ
Hum aasiyon ki hashar mein rakh lijiyega laaj
Ae shafi'e buruz-e-jaza, ae sheh-e-ummamﷺ
اتراؤں کیوں نہ دولتِ نعتِ نبیؐ پہ میں
احسؔن یہی تو ہے مرا سرمایۂ قلم
Utraun kyun na dolat-e-naat-e-nabiﷺ pe mein
Ahsan yahi to hai mera sarmaya-e-qalam
Share This Naat
Share with friends and family
گھیرے ہوئے ہیں رنج و مصائب غم و الم
احسن اعظمی