تابع ہے تِرا رستۂِ فردوس کا راہی ، اے آمِر و ناہی
مُنکِر ہے تِرے حُکم کا مَحصورِ تباہی ،اے آمِر و ناہی !
Taabeh hai tira rastah-e-firdous ka raahi, aye aamir o naahi
Munkir hai tire hukum ka mahsoor-e-tabahi, aye aamir o naahi!
ہے ہاتھ تِرا دستِ خدا ، اور تِرا کام ، اللّٰہ کا ہوا کام
اور قول ہے مِن جُملۂِ اَقوالِ الٰہی ، اے آمِر و ناہی !
Hai haath tira dast-e-Khuda, aur tira kaam, Allah ka hua kaam
Aur qoul hai min jumla-e-aqwaal-e-ilahi, aye aamir o naahi!
معراجِ تَخَیُّل تِرے قدمین کی یادیں ، نعلین کی باتیں
دَستارِ تَکَلّم ہے ترا حرفِ ثنا ہی ،اے آمِر و ناہی !
Mairaaj-e-takhayul tire qadmain ki yaadain, nalain ki baatein
Dastaar-e-takallum hai tera harf-e-sana hi, aye aamir o naahi!
ضَو دِن نے تِرے چہرۂِ وَالشمس سے پائی ،اے نورِ خدائی !
لِی گیسوئے وَاللیل سے راتوں نے سیاہی، اے آمِر و ناہی !
Zoa din ne tire chehra-e-washams se paai, aye noor-e-Khudaai!
Lee gesuwaye wallail se raton ne siyahi, aye aamir o naahi!
حرفوں کا بیاباں ہے گُلِ نعت سے گلشن ،اور کِھلتا ہوا فن !
ورنہ تو مہکتی نہ یوں گفتار کَمَا ھِی ، اے آمِر و ناہی !
Harfoun ka beyaaban hai gul-e-naat se gulshan, aur khilta hua fun!
Warna to mehakti na yun guftaar kamaa hi, aye aamir o naahi!
ہے شرع سے ثابت کہ تُو تَکویں میں ہے مُختار،اے نائِبِ غَفّار !
اور صاحبِ تَحکیمِ مُباحات و مَناہی، اے آمِر و ناہی !
Hai sharaa se saabit ke tu takween mein hai mukhtaar, aye naaib-e-Ghaffaar!
Aur sahib-e-tahkeem-e-mubahaat o manahi, aye aamir o naahi!
ما قبل نبی اس لیے آئے تھے مُقَدَّم اور تُو ہوا خاتَم
تُو صاحبِ دیدار ، وہ اَصحابِ گواہی ،اے آمِر و ناہی !
Ma qabl nabi is liye aaye the mukaddam aur tu hua khaatam
Tu sahib-e-deedaar, woh ashaab-e-gawaahi, aye aamir o naahi!
دیکھیں گے تِرے مَوقفِ محمود کی رِفعت،اور اوجِ شفاعت
مانیں گے تجھے حشر میں سب خواہی نخواہی ،اے آمِر و ناہی !
Dekhein ge tire maqam-e-mahmood ki rifat, aur oj-e-shafa'at
Maanein ge tujhe hashr mein sab khwahi na khwahi, aye aamir o naahi!
تُو مُثبِتِ حَسنات ہے ، مِعمارِ مَعابِد ،اے جانِ مقاصِد !
تو نافیِٔ آلاتِ خرافات و مَلاہی، اے آمِر و ناہی !
Tu musbit-e-hasanat hai, mimaar-e-maabid, aye jaan-e-maqasid!
Tu naafi-e-alat-e-khuraafaat o malahi, aye aamir o naahi!
کِیں ہم نے جو ہر لمحہ خطاؤں پہ خطائیں ،بنتی تھیں سزائیں
تو نے ہے مگر ہم سے بَہ اِنعام نباہی، اے آمِر و ناہی !
Kiin hum ne jo har lamha khataon pe khataayein, banti thein sazaayein
Tu ne hai magar hum se ba in'aam nibaahi, aye aamir o naahi!
قربان تِری مُنکَسِری پر ہوئی خلقت ، ہوتے ہوئے قدرت
تو نے ہے چُنا فَقر کو ، ٹُھکرائی ہے شاہی، اے آمِر و ناہی !
Qurbaan tiri munksiri par hui khalqat, hote hue qudrat
Tu ne hai chuna faqr ko, thukraai hai shaahi, aye aamir o naahi!
کیا خوب تِرا حسن ہے اے جلوۂ وحدت ،خَلقت تو ہے خلقت
تجھ سے تو مُلاقات ہے خود رب نے بھی چاہی، اے آمِر و ناہی !
Kya khoob tira husn hai aye jalwa-e-wahdat, khalqat to hai khalqat
Tujh se to mulaaqaat hai khud Rab ne bhi chaahi, aye aamir o naahi!
دشمن کو بھی دیوانہ کرے تیرا تبسُّم ،اور حُسنِ تَکَلّم
خالِق نے تِری خوبیِٔ اَخلاق سَراہی، اے آمِر و ناہی !
Dushman ko bhi deewana kare tera tabassum, aur husn-e-takallum
Khalik ne tiri khoobi-e-akhlaq saraahi, aye aamir o naahi!
اے مالکِ فردوس ! یہ تیرا ہی کرم ہے ،اتنا تو بھرم ہے
گو لائقِ دوزخ ہوں مگر ہوں تو تِرا ہی، اے آمِر و ناہی !
Aye maalik-e-firdous! ye tera hi karam hai, itna to bharam hai
Go laaiq-e-dozakh hoon magar hoon to tira hi, aye aamir o naahi!
مَبعوث ہوا بن کے مُعَلِّم تو جہاں کا ،مرکز ہے اَماں کا
سیرت ہے فقط تیری فلاحی و رِفاہی، اے آمِر و ناہی
Mab'ous hua ban ke mu'allim tu jahan ka, markaz hai amaan ka
Seerat hai faqat teri falaahi o rifahi, aye aamir o naahi!
کیوں خوف رکھے سازشِ اَعدا سے، بلا سے،جب فضلِ خدا سے
حاصل ہے معظمؔ کو تری پُشت پناہی، اے آمِر و ناہی
Kyun khauf rakhe saazish-e-aada se, bala se, jab fazl-e-Khuda se
Haasil hai muazzam ko teri pusht panaahi, aye aamir o naahi!
Share This Naat
Share with friends and family
تابع ہے تِرا رستۂِ فردوس کا راہی
معظم سدا معظم مدنی