واہ شبِ اسریٰ دیاں تیاریاں
عرشیاں راہواں سجائیاں ساریاں
Wah shab-e-israa diyaan taiyaariyaan
Arshiyaan raahwaan sajaaiyaan saariyaan
مصطفیٰ دے آ کے جبرئیل نیں
پیر چمے نالے اکھیاں ٹھاریاں
Mustafa de aa ke Jibraeel ne
Peer chame naale akhiyaan thaaryaan
سب نبی میرے نبی دے مقتدی
سب نیں منیاں اوہدیاں سرداریاں
Sab nabi mere nabi de muqtadi
Sab neeni maniyaan ohdiyaan sardaariyaan
برق نالوں تیز رف رف تے براق
سوہنیاں سوہنے دیاں اسواریاں
Barq naalon tez rafraf te buraaq
Sohniyaan sohne diyaan aswaariyaan
کس طرف سوہنا گیا آیا کویں
ایتھے آ کے سبھے سوچاں ہاریاں
Kis taraf sohna gaya aaya koein
Ithe aa ke sabhe sochaan haariyaan
سن دیاں ای من لیا صدیقؓ نے
چنگیاں لا کے نبھائیاں یاریاں
Sun diyaan ei man liya Siddiq(rz) ne
Changiyaan laa ke nibhaaiyaan yaariyaan
ایہہ ظہوریؔ رات اے معراج دی
بیڑیاں امت دیاں جس تاریاں
Ae Zahoori(r) raat ae me'raaj di
Beeriyaan umat diyaan jis taariyaan
Share This Naat
Share with friends and family
واہ شبِ اسریٰ دیاں تیاریاں
محمد علی ظہوری