رحمتِ عالم نور مجسم شمِع ہدایت کیا کہنے
دستِ مروت چشمِ بصیرت نطقِ حقیقت کیا کہنے
Rehmat-e-Alam noor mujassam sham-e-hidayat kya kehne
Dast-e-marwat chashm-e-baseerat nutq-e-haqeeqat kya kehne
سب سے نیا اندازِ تبسّم سب سے جُدا اعلانِ کرم
کِس کو مِلے گی کِس کو مِلی یہ صورت و سیرت کیا کہنے
Sab se naya andaaz-e-tabassum sab se juda elan-e-karam
Kis ko mile gi kis ko mili ye soorat o seerat kya kehne
جود و سخا بیگانوں پر بھی دشمن پر بھی لطف و عطا
سرتاپا تصویرِ وفا عنوانِ محبت کیا کہنے
Jood o sakha begaanon par bhi dushman par bhi lutf o ata
Sarapa tasweer-e-wafa unwan-e-mohabbat kya kehne
باعثِ خلقِ ارض و سما اے زینتِ بزم کون و مکاں
ارض و سما پر کون و مکاں پر تیری عنایت کیا کہنے
Ba'ais-e-khalq-e-arz o sama ae zeenat-e-bazm kon o makaan
Arz o sama par kon o makaan par teri inayat kya kehne
قدرت کا ہر جلوہ اعظؔم ان کی صورت سے ہے عیاں
آپ کی ذاتِ گرامی ہے آئینہء قدرت کیا کہنے
Qudrat ka har jalwa Azam un ki soorat se hai ayaan
Aap ki zaat-e-giraami hai aaina-e-qudrat kya kehne
Share This Naat
Share with friends and family
رحمتِ عالم نور مجسم شمِع ہدایت کیا کہنے
محمد اعظم چشتی