یہ تخصیصِ شاہِ اُمم اللہ اللہ
کہ ہے عرش زیرِ قدم اللہ اللہ
Yeh takhsees-e-shah-e-umm Allah Allah
Ke hai arsh zair-e-qadam Allah Allah
خطا کار پر ہورہی ہیں عطائیں
یہ شفقت یہ لُطف و کرم اللہ اللہ
Khata kar par ho rahi hain atayein
Yeh shafqat yeh lutf o karam Allah Allah
وہ آنکھیں ہیں تسنیم و کوثر سے بہتر
جو ہیں عشقِ احمدؐ میں نَم اللہ اللہ
Woh ankhain hain tasneem o kausar se behtar
Jo hain ishq-e-Ahmed (ﷺ) mein nam Allah Allah
زمانے میں ہیں مثلِ خورشید تاباں
تِرا نام لے لے کے ہم اللہ اللہ
Zamane mein hain misl-e-khursheed tabaan
Tera naam le le ke hum Allah Allah
خدا دے تو یہ دَولتِ دو جہاں ہے
حبیبِ دو عالم کا غم اللہ اللہ
Khuda de to yeh dolat-e-do jahan hai
Habeeb-e-do aalam ka gham Allah Allah
تِرے نام لیوا تِرے دِر کے منگتے
ہیں سارے جہاں کا بھرم اللہ اللہ
Tere naam liwa tere dir ke mangte
Hain saare jahan ka bharam Allah Allah
ہے ان کے تصرّف میں ساری خدائی
گدایانِ شاہِ اُمم اللہ اللہ
Hai un ke tasaruf mein saari khudai
Gadayan-e-shah-e-umm Allah Allah
بیادِ شہنشاہ ِ کونین خالِد ؔ
مِرادِل ہے رشکِ اِرم اللہ اللہ
Bi yad-e-shehenshah-e-kainaat Khalid
Mera dil hai rashk-e-Iram Allah Allah
Share This Naat
Share with friends and family
یہ تخصیصِ شاہِ اُمم اللہ اللہ
خالد محمود خالد