کس میں رُخِ حضورْ کو تکنے کی تاب ہے
وہ شاہکارِ حُسن ہے ، وہ لا جواب ہے
Kis mein rukH-e-Huzur ko taknE ki tab hai
Wo shahkar-e husn hai, wo la jawab hai
اُن کے رُخِ حَسین کا پرتَو ہیں سب کے سب
تارے ہیں، ماہتاب ہے یا آفتاب ہے
Un ke rukH-e haseen ka partow hain sab ke sab
Tare hain, mahtab hai ya aafTab hai
ذکرِ خُدا و مُصطفٰے وجہِ سکون بس
اِس کے سِوا جو سوچ ہے، سارا سراب ہے
Zikr-e Khuda-o-Mustafa wajh-e-sukoon bas
Is ke siwa jo soch hai, sara sarab hai
رونق ہے زندگی میں محمد کی یاد سے
ورنہ حیات ساری کی ساری عذاب ہے
Ronak hai zindagi mein Muhammad ki yaad se
warna hayat sari ki sari azaab hai
کس پل شبِ سیاہ کی ہوگی سحر،کریمْ !
رگ رگ میں جا گزین بڑا اِضطراب ہے
Kis pal shab-e siyah ki hogi sehar, Karim!
Rag rag mein ja guzeen bara iztirab hai
اُمّت پہ کیجے ایک نظر اے مرے حضور !
نرغے میں غیر کے ہے یہ، زیرِ عتاب ہے
Ummat pe kije ek nazar ae mere Huzur!
Narghe mein ghair ke hai ye, zair-e itab hai
جینے کے سب جہان کو جس نے دیے اُصول
خُطبہ وہ شاہا آپ کا کامل نصاب ہے
Jeene ke sab jahan ko jis ne diye usool
Khutba wo shaha aap ka kaamil nisab hai
تعبیر اِس کی ڈھونڈتے گُزری ہے اپنی عُمر
طیبہ میں آئے موت بس، اِتنا سا خواب ہے
Tabeer is ki dhundte guzri hai apni umr
Taiba mein aaye mout bas, itna sa khwab hai
دہلیز پر جو آپْ کی بیٹھا ہے خوش نصیب
سارے جہان میں وہی عزّت مآب ہے
Dahleez par jo aap ki baitha hai khush naseeb
Sare jahan mein wohi izzat maab hai
اِس زندگی کو وقفِ ثنا کیجئے جلیل
گُزرے اُنہی کے نام پہ ، گرچہ حباب ہے
Is zindagi ko waqf-e sana kijiye Jalil
Guzre unhi ke naam pe, garcha hubab hai
Share This Naat
Share with friends and family
کس میں رُخِ حضورْ کو تکنے کی تاب ہے
حافظ عبدالجلیل