مصطفٰی خیرُالْوَرٰے ہو
سرورِ ہر دوسَرا ہو
Mustafa khair-ul-wara ho
Sarwar-e-har dosra ho
اپنے اچھوں کا تَصَدُّق
ہم بدوں کو بھی نباہو
Apne achhon ka tasadduq
Hum badoon ko bhi nibaho
کس کے پھر ہو کر رہیں ہم
گر تمہیں ہم کو نہ چاہو
Kis ke phir ho kar rahein hum
Gar tumhein hum ko na chaho
بَد ہنسیں تم اُن کی خاطر
رات بھر رُوؤ کراہو
Bad hansein tum un ki khaatir
Raat bhar roon karah ho
بد کریں ہر دم برائی
تم کہو ان کا بھلا ہو
Bad karein har dam burai
Tum kaho un ka bhala ho
ہم وہی ناشُسْتَہ رُو ہیں
تم وہی بحرِ عطا ہو
Hum wohi nashusta roo hain
Tum wohi bahr-e-ata ho
ہم وہی شایانِ رَد ہیں
تم وہی شانِ سخا ہو
Hum wohi shayan-e-rad hain
Tum wohi shan-e-sakha ho
ہم وہی بے شرم و بد ہیں
تم وہی کانِ حیا ہو
Hum wohi be-sharm o bad hain
Tum wohi kaan-e-haya ho
ہم وہی نَنگِ جَفا ہیں
تم وہی جانِ وَفا ہو
Hum wohi nang-e-jafa hain
Tum wohi jaan-e-wafa ho
ہم وہی قابل سزا کے
تم وہی رحمِ خدا ہو
Hum wohi qabil-e-saza ke
Tum wohi rahm-e-Khuda ho
چَرخ بدلے دَہر بدلے
تم بدلنے سے وَرا ہو
Charakh badle, dahr badle
Tum badalne se waraa ho
اب ہمیں ہوں سَہْو حاشا
ایسی بھولوں سے جدا ہو
Ab humein ho sahw haasha
Aisi bhoolon se juda ho
عمر بھر تو یاد رکھا
وقت پر کیا بھولنا ہو
Umar bhar to yaad rakha
Waqt par kya bhoolna ho
وقتِ پیدایِش نہ بھولے
کَیْفَ یَنْسٰی کیوں قضا ہو
Waqt-e-pedaish na bhoole
Kaifa yansa, kyun qaza ho
یہ بھی مولیٰ عرض کر دوں
بھول اگر جاؤ تو کیا ہو
Yeh bhi Maula arz kar doon
Bhool agar jao to kya ho
وہ ہو جو تم پر گِراں ہے
وہ ہو جو ہرگز نہ چاہو
Woh ho jo tum par giraan hai
Woh ho jo hargiz na chaho
وہ ہو جس کا نام لیتے
دشمنوں کا دل برا ہو
Woh ho jiska naam lete
Dushmanon ka dil bura ho
وہ ہو جس کے رَد کی خاطر
رات دن وَقْفِ دُعا ہو
Woh ho jiske rad ki khaatir
Raat din waqf-e-dua ho
مر مٹیں برباد بندے
خانہ آباد آگ کا ہو
Mar mitain barbaad banday
Khaana aabaad aag ka ho
شاد ہو اِبلیس مَلْعُوں
غم کسے اس قَہر کا ہو
Shaad ho Iblees mal’oon
Gham kise us qahr ka ho
تم کو ہو وَ اللہ تم کو
جان و دل تم پر فدا ہو
Tum ko ho wallah tum ko
Jaan o dil tum par fida ho
تم کو غم سے حق بچائے
غم عَدُوّ کو جاں گَزا ہو
Tum ko gham se Haq bachaye
Gham adu ko jaan-gaza ho
تم سے غم کو کیا تعلق
بیکسوں کے غم زِدا ہو
Tum se gham ko kya ta’alluq
Bekason ke gham zuda ho
حق درُودیں تم پہ بھیجے
تم مُدام اس کو سراہو
Haq duroodein tum pe bhejey
Tum mudam us ko saraho
وہ عطا دے تم عطا لو
وہ وہی چاہے جو چاہو
Woh ata dey, tum ata lo
Woh wohi chahe jo chaho
بر تو اُو پاشَدْ تو بر ما
تا اَبد یہ سِلسلہ ہو
Bar tu o pashad to bar maa
Taa abad yeh silsila ho
کیوں رضاؔ مشکل سے ڈریئے
جب نبی مشکل کُشا ہو
Kyun Raza mushkil se dariye
Jab Nabi mushkil-kusha ho
Share This Naat
Share with friends and family
مصطفٰی خیرُالْوَرٰے ہو
احمد رضا خان بریلوی