خدا نے مصطفےٰؐ کا عشق میرے نام لکھ دیا
تو میں نے ایک ایک سانس پر سلام لکھ دیا
Khuda ne Mustafaؐ ka ishq mere naam likh diya
Toh main ne aik aik saans par salaam likh diya
گئے جو آپ آسمان پر تو آسمان نے
قدم کے ہر نشان کو مہِ تمام لکھ دیا
Gaye jo aap aasman par to aasman ne
Qadam ke har nishan ko mah-e-tamam likh diya
صدا ہر ایک عہد سے سنی جو روح وقت نے
سکوت کو بھی ان کے حاصلِ کلام لکھ دیا
Sada har aik ehed se suni jo rooh waqt ne
Sukoot ko bhi un ke hasil-e-kalaam likh diya
وہ آنکھ روح تک گئی تو زندگی مہک گئی
ہوا نے اس گھڑی کو لمحۂ دوام لکھ دیا
Wo aankh rooh tak gayi to zindagi mehek gayi
Hawa ne us ghari ko lamha-e-dawaam likh diya
مرے حضورؐ آ چکے تو ربِّ کائنات نے
نبوتوں رسالتوں پہ اختتام لکھ دیا
Mere Huzoorؐ aa chuke to Rabb-e-Kainat ne
Nabuwaton Risaalaton pe ikhtitaam likh diya
زہے نصیب نامۂ عمل کیا ہے جب رقم
فرشتوں نے بھی مجھ کو آپ کا غلام لکھ دیا
Zahe naseeb nama-e-amal kya hai jab raqam
Farishton ne bhi mujh ko aap ka ghulaam likh diya
گرا ہے آنکھ سے جو اشک آپ کے فراق میں
غموں نے اس کو ہر فراق کا امام لکھ دیا
Gira hai aankh se jo ashk aap ke faraq mein
Ghamon ne us ko har faraq ka imaam likh diya
مظفر ان کے عشق سے جسے مناسبت نہیں
خود اس کی زندگی کو عشق نے حرام لکھ دیا
Muzaffar un ke ishq se jise munasibat nahi
Khud us ki zindagi ko ishq ne haraam likh diya
Share This Naat
Share with friends and family
خدا نے مصطفےٰؐ کا عشق میرے نام لکھ دیا
مظفر وارثی