تسکینِ روح و قلب کا نغمہ ہے نعتِ پاک
ہر عاشقِ نبیؐ کا وظیفہ ہے نعتِ پاک
Taskeen-e-rooh o qalb ka naghma hai Naat-e-paak
Har aashiq-e-Nabi (SAW) ka wazifa hai Naat-e-paak
سب کو کہاں سعادتِ نعتِ نبیؐ نصیب
دیوانۂ نبیؐ کا ترانہ ہے نعتِ پاک
Sab ko kahan sa'adat-e-Naat-e-Nabi (SAW) naseeb
Deewana-e-Nabi (SAW) ka tarana hai Naat-e-paak
رطب اللساں ہیں نعتِ نبیؐ قدسیانِ عرش
وردِ زبانِ ذاتِ صحابہ ہے نعتِ پاک
Ratb-ul-lisaan hain Naat-e-Nabi (SAW) Qudsiyan-e-Arsh
Wird-e-zuban-e-zaat-e-sahaba hai Naat-e-paak
یہ عاشقِ رسولؐ کے ہونے کی ہے سند
اظہارِ حُبِ شاہِ مدینہ ہے نعتِ پاک
Yeh aashiq-e-Rasool (SAW) ke hone ki hai sanad
Izhaar-e-hub-e-Shah-e-Madina hai Naat-e-paak
راحت رسانِ درد ہے کثرت درود کی
حاصل شفا ہو جس سے وہ نسخہ ہے نعتِ پاک
Rahat rasan-e-dard hai kasrat durood ki
Haasil shifa ho jis se woh nuskha hai Naat-e-paak
ملتی ہے جس کے سننے سے ایمان کو جلا
عشقِ نبیؐ میں ڈوبا وہ نغمہ ہے نعتِ پاک
Milti hai jis ke sunne se imaan ko jala
Ishq-e-Nabi (SAW) mein duba woh naghma hai Naat-e-paak
لغزش ہوئی ذرا سی کہ ایمان سے گیا
نادان پل صراط کا رستہ ہے نعتِ پاک
Laghzish hui zara si ke imaan se gaya
Nadaan Pul-e-Siraat ka rasta hai Naat-e-paak
ہوتا ہے پہلے اشکِ عقیدت سے باوضو
جب عاشقِ نبیؐ کوئی لکھتا ہے نعتِ پاک
Hota hai pehle ashk-e-aqeedat se ba-wuzu
Jab aashiq-e-Nabi (SAW) koi likhta hai Naat-e-paak
فکرِ رسا کو ہوتی ہے پاکیزگی عطا
احسؔن سعادتوں کا وہ چشمہ ہے نعتِ پاک
Fikar-e-rasa ko hoti hai pakeezgi ata
Ahsan sa'adaton ka woh chashma hai Naat-e-paak
Share This Naat
Share with friends and family
تسکینِ روح و قلب کا نغمہ ہے نعتِ پاک
احسن اعظمی