دل میں یوں اُن کی تجلّی کا تماشا دیکھا
آبگینے میں رواں نُور کا دریا دیکھا
Dil mein yoon un ki tajalli ka tamasha dekha
Aabgeeene mein rawaan noor ka darya dekha
ہوش کھو کر ترے جلوے کا تماشا دیکھا
دیکھنے والے نے دیکھا بھی تو یُوں دیکھا
Hosh kho kar tere jalwe ka tamasha dekha
Dekhnay wale ne dekha bhi to yoon dekha
وہ کہ ہر درد کی بُنیاد مِٹا دیتے ہیں
ہے کوئی جس نے کہیں ایسا مسیحا دیکھا
Woh ke har dard ki buniyad mita dete hain
Hai koi jis ne kahin aisa Maseeha dekha
چاند تارے شبِ معراج کے شاہد ٹھہرے
ہم نے اِن آئنوں میں اُن کا سراپا دیکھا
Chaand taare shab-e-mairaaj ke shahid thehre
Hum ne in aainon mein un ka saraapa dekha
اُن کے جلوں کی فقط ایک جھلک دیکھی تھی
دیکھنے والے پُکار اُٹھّے کہ دیکھا دیکھا
Un ke jalo ki faqat ek jhalak dekhi thi
Dekhnay wale pukar utthe ke dekha dekha
لُٹ گیا، جس سے پھرِیں اُن کی نگاہیں اک بار
در بدر کوچہ بہ کوچہ اُسے رُسوا دیکھا
Lut gaya, jis se phirein un ki nagaahen ek baar
Dar badar koocha ba koocha use ruswa dekha
حرمِ پاک میں ہر لمحہ نیا جلوہ ہے
اک جھلک دیکھی ہے، زائر نے ابھی کیا دیکھا
Haram-e-paak mein har lamha naya jalwa hai
Ek jhalak dekhi hai, zair ne abhi kya dekha
کوئی پوچھے تو ذرا حضرتِ موسیٰ ؑ سے نصیرؔ
عالمِ ہوش میں جب آئے تو پھر کیا دیکھا؟
Koi poochhe to zara Hazrat-e-Moosa ؑ se Naseer
Aalam-e-hosh mein jab aaye to phir kya dekha?
Share This Naat
Share with friends and family
دل میں یوں اُن کی تجلّی کا تماشا دیکھا
سید نصیرالدیں نصیر