سبھی نے کوہِ رحمت پر سُنا خُطبہ شہِ دیں کا
صحابہ نے بہ جان و دل کہا مانا شہِ دیں کا
Sabhi ne koh-e-rahmat par suna khutba shah-e-deen ka
Sahaba ne ba jaan o dil kaha maana shah-e-deen ka
ہوا ہے کوئی اُن جیسا ، نہ ہوگا پھر قیامت تک
کہ جن کو سر کی آنکھوں سے ہوا جلوہ شہِ دیں کا
Hua hai koi un jaisa, na hoga phir qayamat tak
Ke jin ko sar ki aankhon se hua jalwa shah-e-deen ka
یہ جبریلِ امیں سے تُم ذرا پُوچھو شبِ اسرٰی
وہ کیا لذّت تھی جب چُوما گیا تلوا شہِ دیں کا
Yeh Jibraeel-e-ameen se tum zara poocho shab-e-isra
Woh kya lazzat thi jab chooma gaya talwa shah-e-deen ka
مدینے کے سفر میں یُوں سمویا اُس کو آنکھوں میں
کہ اب رہتا ہے نظروں میں سدا روضہ شہِ دیں کا
Madine ke safar mein yun samoya us ko aankhon mein
Ke ab rehta hai nazron mein sada roza shah-e-deen ka
مُقدّر ہےصحابہ کا کہ وہ رہتے تھے خدمت میں
کہ تکتے زندگی گُزری کِھلا چہرہ شہِ دیں کا
Muqaddar hai Sahaba ka ke woh rehte the khidmat mein
Ke takte zindagi guzri khila chehra shah-e-deen ka
خُدا کی سب عطاؤں کے مُحمّد مُصطفٰے قاسم
ہمیں تو جو مِلا ہے بس مِلا صدقہ شہِ دیں کا
Khuda ki sab ataon ke Muhammad Mustafa qasim
Humein to jo mila hai bas mila sadqa shah-e-deen ka
مرے آقا کی عظمت کا احاطہ ہو نہیں سکتا
ہر اِک نے ہی کہا آخر ، ہے کیا کہنا شہِ دیں کا
Mere aaqa ki azmat ka ahata ho nahi sakta
Har ik ne hi kaha aakhir, hai kya kehna shah-e-deen ka
بلندی بخش دی دائم مرے آقا کو مولا نے
زمانے میں رہا پرچم سدا اُونچا شہِ دیں کا
Bulandi bakhsh di daaim mere aaqa ko maula ne
Zamane mein raha parcham sada ooncha shah-e-deen ka
جلیل اُن سا زمانے میں کوئی ہوگا بھلا کیسے
کہ نبیّوں میں نہیں کوئی بھی ہم رُتبہ شہِ دیں کا
Jaleel un sa zamane mein koi hoga bhala kaise
Ke nabi-yon mein nahi koi bhi hum rutba shah-e-deen ka
Share This Naat
Share with friends and family
سبھی نے کوہِ رحمت پر سُنا خُطبہ شہِ دیں کا
حافظ عبدالجلیل