مرادیں مل رہی ہیں شاد شاد اُن کا سوالی ہے
لبوں پہ اِلتجا ہے ہاتھ میں روضہ کی جالی ہے
Muraden mil rahi hain shad shad un ka sawali hai
Labon pe iltija hai hath mein rozah ki jali hai
تری صورت تری سیرت زمانے سے نرالی ہے
تری ہر ہر ادا پیارے دلیلِ بے مثالی ہے
Teri soorat teri seerat zamane se nirali hai
Teri har har ada pyare daleel-e-bemithali hai
بشر ہو یا مَلک جو ہے تِرے دَر کا سوالی ہے
تری سرکار والا ہے ترا دَربار عالی ہے
Bashar ho ya malak jo hai tere dar ka sawali hai
Teri sarkar wala hai tera darbar aali hai
وہ جگ داتا ہو تم سنسار باڑے کا سوالی ہے
دَیا کرنا کہ اس منگتا نے بھی گدڑی بچھالی ہے
Woh jag data ho tum sansar bade ka sawali hai
Daya karna keh is mangta ne bhi gadri bichali hai
منور دل نہیں فیض قدومِ شہ سے رَوضہ ہے
مُشَبَّک سینۂ عاشق نہیں رَوضہ کی جالی ہے
Munawwar dil nahi faiz qadoom-e-sheh se rozah hai
Mushabak seenah-e-ashiq nahi rozah ki jali hai
تمہارا قامت یکتا ہے اِکا بزمِ وَحدت کا
تمہاری ذات بے ہمتا مثالِ بے مثالی ہے
Tumhara qamat yakta hai ik bazm-e-wahdat ka
Tumhari zaat be-humta misaal-e-bemithali hai
فروغِ اَخترِ بدْر آفتابِ جلوۂ عارِض
ضیائے طالعِ بدْر اُن کا اَبروئے ہلالی ہے
Farogh-e-akhtar-e-badr āftāb-e-jalwa-e-arz
Ziya-e-taale’ badr un ka abru-e-hilāli hai
وہ ہیں اللہ والے جو تجھے والی کہیں اپنا
کہ تو اللہ والا ہے ترا اللہ والی ہے
Wo hain Allah wale jo tujhe wali kahin apna
Ke tu Allah wala hai tera Allah wali hai
سہارے نے تِرے گیسو کے پھیرا ہے بلاؤں کو
اشارے نے تِرے اَبرو کے آئی موت ٹالی ہے
Sahare ne tere gesu ke phera hai balaon ko
Ishaare ne tere abru ke ayi maut tali hai
نگہ نے تیر زحمت کے دِلِ اُمت سے کھینچے ہیں
مژہ نے پھانس حسرت کی کلیجہ سے نکالی ہے
Nigah ne teer zahmat ke dil-e-ummat se kheenche hain
Muzah ne phans hasrat ki kaleja se nikaali hai
فقیرو بے نواؤ اپنی اپنی جھولیاں بھرلو
کہ باڑا بٹ رہا ہے فیض پر سرکار عالی ہے
Faqiro be-nawa'o apni apni jholiyan bharlo
Ke baara bat raha hai faiz par sarkar aali hai
تجھی کو خِلعتِ یکتائیِ عالم ملا حق سے
تِرے ہی جسم پر موزوں قبائے بے مثالی ہے
Tujhi ko khil'at-e-yakta'ee-e-alam mila haq se
Tere hi jism par mozu qabaye bemithali hai
نکالا کب کسی کو بزمِ فیض عام سے تم نے
نکالی ہے تو آنے والوں کی حسرت نکالی ہے
Nikala kab kisi ko bazm-e-faiz aam se tum ne
Nikaali hai to aane walon ki hasrat nikaali hai
بڑھے کیونکر نہ پھر شکلِ ہلال اِسلام کی رونق
ہلالِ آسمانِ دِیں تری تیغ ہلالی ہے
Badhe kyun kar na phir shakl-e-hilaal Islam ki raunaq
Hilaal-e-aasman-e-deen teri tegh hilaali hai
فقط اِتنا سبب ہے اِنعقادِ بزمِ محشر کا
کہ اُن کی شانِ محبوبی دِکھائی جانے والی ہے
Faqat itna sabab hai in'iqad-e-bazm-e-mahshar ka
Ke un ki shan-e-mahboobi dikhayi jane wali hai
خدا شاہد کہ روزِ حشر کا کھٹکا نہیں رہتا
مجھے جب یاد آتا ہے کہ میرا کون والی ہے
Khuda shahid ke roz-e-hashar ka khatka nahi rehta
Mujhe jab yaad aata hai ke mera kaun wali hai
اُتر سکتی نہیں تصویر بھی ُحسنِ سراپا کی
کچھ اس درجہ ترقی پر تمہاری بے مثالی ہے
Utar sakti nahi tasveer bhi husn-e-saraapa ki
Kuch is darja taraqqi par tumhari bemithali hai
نہیں محشر میں جس کو دَسترس آقا کے دامن تک
بھرے بازار میں اس بے نوا کا ہاتھ خالی ہے
Nahi mahshar mein jis ko dastaras āqa ke daaman tak
Bhare bazar mein us be-nawa ka hath khaali hai
نہ کیوں ہو اِتحادِ منزلت مکہ مدینہ میں
وہ بستی ہے نبی والی تو یہ اللہ والی ہے
Na kyun ho ittehaad-e-manzilat Makkah Madinah mein
Wo basti hai Nabi wali to ye Allah wali hai
شرف مکہ کی بستی کو ملا طیبہ کی بستی سے
نبی والی ہی کے صدقے میں وہ اللہ والی ہے
Sharaf Makkah ki basti ko mila Taybah ki basti se
Nabi wali hi ke sadqay mein wo Allah wali hai
وہی والی وہی آقا وہی وارِث وہی مولیٰ
میں اُن کے صدقے جاؤں اور میرا کون والی ہے
Wohi wali wohi āqa wohi waris wohi maulaa
Main un ke sadqay jaaon aur mera kaun wali hai
پکار اے جانِ عیسیٰ سن لو اپنے خستہ حالوں کی
مرض نے درد مندوں کی غضب میں جان ڈالی ہے
Pukar aye jaan-e-Eesa sun lo apne khaste halon ki
Marz ne dard mandon ki ghazab mein jaan daali hai
مرادوں سے تمہیں دامن بھرو گے نامرادوں کے
غریبوں بیکسوں کا اَور پیارے کون والی ہے
Muradon se tumhein daaman bharo ge namuradon ke
Ghreebon be-keson ka aur pyare kaun wali hai
ہمیشہ تم کرم کرتے ہو بگڑے حال والوں پر
بگڑ کر مری حالت نے مری بگڑی بنا لی ہے
Hamesha tum karam karte ho bigre hal walon par
Bigr ke mari haalat ne mari bigdi bana li hai
تمہارے دَر تمہارے آستاں سے میں کہاں جاؤں
نہ مجھ سا کوئی بیکس ہے نہ تم سا کوئی والی ہے
Tumhare dar tumhare astān se main kahan jaaon
Na mujh sa koi be-kas hai na tum sa koi wali hai
حسنؔ کا دَرد دُکھ موقوف فرما کر بحالی دو
تمہارے ہاتھ میں دنیا کی موقوفی بحالی ہے
Hasan ka dard dukh moqooof farma kar bahaali do
Tumhare hath mein duniya ki moqooofi bahaali hai
Share This Naat
Share with friends and family
مرادیں مل رہی ہیں شاد شاد اُن کا سوالی ہے
حسن رضا خان