شوقِ دیدار ہے طاقِ امید پر
منحصر ہے کرم لائقِ دید پر
Shauq-e-deedaar hai taaq-e-umeed par
Munhasir hai karam laaiq-e-deed par
چہرۂ مصطفیٰ کی وہ تابانیاں
آنکھ ٹکتی نہیں رشکِ خورشید پر
Chehra-e-Mustafa ki woh taabaaniyan
Aankh tikti nahi rashk-e-khurshid par
صائمِ ہجر ہے کب سے بندہ ترا
ہو مری عید بھی یا نبی عید پر
Saima-e-hijr hai kab se banda tera
Ho meri Eid bhi ya Nabi Eid par
ہم نے قرنوں کہی نعتِ سرور مگر
نعت پہنچی نہیں اب بھی تمہید پر
Hum ne qarnon kahi naat-e-sarwar magar
Naat pohanchi nahi ab bhi tamheed par
آج پھر اذنِ مدحت ہوا ہے عطا
آج پھر ہے قلم اوجِ ناہید پر
Aaj phir izn-e-madhat hua hai ata
Aaj phir hai qalam ouj-e-naheed par
در بدر تھی جبیں نوعِ انسان کی
تونے یکجا کیا بامِ توحید پر
Dar badar thi jabeen nau-e-insaan ki
Toone yakja kiya baam-e-tauheed par
کس کو معلوم تھا کون معبود ہے
ہم نے سجدے کیے تیری تاکید پر
Kis ko maalum tha kaun maabood hai
Hum ne sajde kiye teri takeed par
جیب و دامانِ اشفاقؔ تو ہیں تہی
مجھ پہ ہوگا کرم تیری تائید پر
Jaib o daamaan-e-Ashfaq toh hain tehi
Mujh pe hoga karam teri taaeed par
Share This Naat
Share with friends and family
شوقِ دیدار ہے طاقِ امید پر
اشفاق احمد غوری