دل و جانِ دو جہاں ہے کہ ہے جانِ ہر زمانہ
جہاں سر ادب سے رکھ دو وہیں ان کا آستانہ
Dil o jaan-e do jahaan hai keh hai jaan-e har zamaana
Jahaan sar adab se rakh do wahiin un ka aastana
وہاں سر نہ کیسے خم ہو بصد عجز والہانہ
جہاں ذرّے ذرّے میں ہے اک ادائے معجزانہ
Wahaan sar na kaise khum ho basad ajz o aalahana
Jahaan zarre zarre mein hai ek adaaye mu'jizaana
مجھے حشر کی تمازت بھلا کیا ستا سکے گی
تیری رحمتوں کا ہوگا مرے سر پہ شامیانہ
Mujhe hashr ki tamazat bhala kya sata sake gi
Teri rehmaton ka hoga mere sar pe shaamiaana
میں ہوں محو شوق سجدہ مجھے کچھ خبر نہیں ہے
ترا آستاں جبیں ہے کہ جبیں ہے آستانہ
Main hoon mehve shauq sajda mujhe kuch khabar nahin hai
Tera aastaan jabeen hai keh jabeen hai aastana
رہ عشق مصطفیٰ میں بھلا کیسی شرک و بدعت
تری گفتگو تو ناصح ہے گناہِ ناصحانہ
Reh e ishq e Mustafa mein bhala kaisi shirk o bidat
Teri guftugo to naasih hai gunaah e naasihana
بصد احترام ابھی تک یہ قیام معجزہ ہے
جہاں آئی شام اسریٰ وہیں رُک گیا زمانہ
Basad ehtiraam abhi tak yeh qiyaam mu'jiza hai
Jahaan aayi shaam e Asra wahin ruk gaya zamaana
میری نعت کی لطافت نہیں ہر کسی کے بس کی
مرا شوق والہانہ میری فکرِ عالمانہ
Meri naat ki latafat nahin har kisi ke bas ki
Mera shauq aalahana meri fikr e aalimana
مہ و مہر مصطفٰی کا جو صبیحؔ ذکر آیا
تو خود اشک بن کے چمکی مری فکرِ شاعرانہ
Mah o mehr Mustafa ka jo Sabih zikr aaya
To khud ashk ban ke chamki meri fikr e shaairana
Share This Naat
Share with friends and family
دل و جانِ دو جہاں ہے کہ ہے جانِ ہر زمانہ
سید صبیح الدین صبیح رحمانی