آگئے آج زمانے میں زمانے والے
رُوحِ خوابیدۂ ہستی کو جگانے والے
Aagaye aaj zamane mein zamane wale
Ruh-e khwabeeda-e hasti ko jagane wale
زیست کی راہ سے کانٹؤں کو ہٹانے والے
تلخیاں عہدِ گذشتہ کی مٹانے والے
Zeest ki raah se kaanton ko hatane wale
Talkiyan aehd-e guzashtha ki mitane wale
میکشوں کو مئے عِرفان پلانے والے
سرکشوں کو درِ خالق پہ جُھکانے والے
Maikashon ko mai 'irfan pilane wale
Sarkashon ko dar-e Khaaliq pe jhukanay wale
سِینۂ دہر سے دھو کر حَسَد و غم کا غُبار
بستیاں عشق و محبّت کی بسانے والے
Seenha-e dehr se dhokar hasad o gham ka gubaar
Bastiyan ishq o mohabbat ki basane wale
جس کا کوئی نہ ہو غم خوار زمانے بھر میں
ایسے نادار کو سینے سے لگانے والے
Jis ka koi na ho gham khwaar zamane bhar mein
Aise nadar ko seene se lagane wale
غم کے مارے ہوئے مایوس خطا کاروں کو
اپنے دامانِ شفاعت میں چھپانے والے
Gham ke maare hue mayoos khata Kaaron ko
Apne daaman-e shafaat mein chhupane wale
اعظؔم اک آن میں بدلا مری تقدیر کا رنگ
آئے فِطرت کو جو آئینہ دکھانے والے
Aazam ek aan mein badla meri taqdeer ka rang
Aaye fitrat ko jo aaeena dikhane wale
Share This Naat
Share with friends and family
آگئے آج زمانے میں زمانے والے
محمد اعظم چشتی