یوں تو ہر دَور مہکتی ہوئی نیند یں لایا
تیرا پیغام مگر خواب نہ بننے پایا
Yun to har daur mehakti hui neendein laya
Tera paigham magar khwab na banne paya
تو جب آیا تو مٹی روح و بدن کی تفریق
تو نے انساں کے خیالوں میں لہو دوڑایا
Tu jab aya to mitti rooh o badan ki tafreeq
Tu ne insan ke khayalon mein lahu dauraya
جن کو دھندلا گئے صدیوں کی غریبی کے غبار
اُن خد و خا ل کو سونے کی طرح چمکایا
Jin ko dhundla gaye sadyon ki ghareebi ke ghubar
Un khad o khal ko sone ki tarah chamkaya
سمٹ آیا ترے اک حرفِ صداقت میں وہ را ز
فلسفوں نے جسے تا حدِّ گماں اُلجھایا
Simat aya tere ek harf e sadaqat mein wo raaz
Falsafon ne jise ta had e gumaan uljhaya
راحتِ جاں ! ترے خورشیدِ محبت کا طلوع
دھوپ کے روپ میں ہے ابرِ کرم کا سایا
Rahate jaan! Tere khursheed e muhabbat ka taloo
Dhoop ke roop mein hai abr e karam ka saya
قصرِ مرمر سے ‘ شہنشاہ نے ‘ از راہِ غرور
تیری کُٹیا کو جو دیکھا تو بہت شرمایا
Qasr e mar-mar se ‘ shehnshah ne ‘ az rahe ghuroor
Teri kutia ko jo dekha to bohot sharmaya
کتنا احسان ہے انسان پہ تیر ا ‘ کہ اُسے
اپنی گُفتار کو ‘ کِردار بنانا آیا
Kitna ehsan hai insaan pe tera ‘ ke usay
Apni guftaar ko ‘ kirdar banana aya
Share This Naat
Share with friends and family
یوں تو ہر دَور مہکتی ہوئی نیند یں لایا
احمد ندیم قاسمی