ادراک سے پرے ہے مقامِ شہِؐ عرب
عالم ہے زیرِ سایہ بامِ شہِؐ عرب
Idraak se paray hai maqam-e-Shaheؐ Arab
Aalam hai zair-e-sayah baam-e-Shaheؐ Arab
انساں کو جس کی ضَو سے ملی منزلِ مرُاد
وہ شمعِ عافیت ہے نظامِ شہِؐ عرب
Insaan ko jis ki zaw se mili manzil-e-muraad
Woh shama-e-aafiyat hai nidaam-e-Shaheؐ Arab
تسکینِ جانِ مضطرب اس کی نوا میں ہے
پیغامِ عافیت ہے پیامِ شہِؐ عرب
Taskeen-e-jaan-e-muztarib is ki nawa mein hai
Pegham-e-aafiyat hai payam-e-Shaheؐ Arab
انداز دل نشیں ہے رسؐولِ کریم کا
رحمت کا ترجماں ہے کلامِ شہِؐ عرب
Andaaz dil nasheen hai Rasool-e-Kareem ka
Rehmat ka tarjuman hai kalaam-e-Shaheؐ Arab
مِٹ جائیں گے نقوش سبھی لوحِ دہر سے
لیکن رہے گا ثبت دوامِ شہِؐ عرب
Mit jaayenge naqosh sabhi loh-e-dahr se
Lekin rahega sabt dawaam-e-Shaheؐ Arab
تائب زر و گہُر کی نہیں مجھ کو آرزو
کافی ہے میرے واسطے نامِ شہِؐ عرب
Taib zar o gahar ki nahi mujh ko aarzu
Kaafi hai mere wastay naam-e-Shaheؐ Arab
Share This Naat
Share with friends and family
ادراک سے پرے ہے مقامِ شہِؐ عرب
حفیظ تائب