پائی گئی ہے دوش پہ جن کے ، رِدائے خیر
خُلقِ عظیم وقف ہے اُن کا برائے خیر
Paayi gayi hai dosh pe jin ke, ridaaye khair
Khulq-e-azeem waqf hai un ka baraaye khair
اُن کے نَفَس نَفَس کے ہے جُنبش ، ہَوائے خیر
اُن کے عمل سے ہوگئی محکم، بِنائے خیر
Un ke nafas nafas ke hai junbish, hawaaye khair
Un ke amal se hogayi muhkam, binaaye khair
خیرالبشرؐ کے دَم سے مقّدر بدل گئے
جو خیر کے خلاف تھے، وہ ہیں گدائے خیر
Khair-ul-bashar ke dum se muqaddar badal gaye
Jo khair ke khilaf the, woh hain gaddaye khair
ہے مصطفیٰؐ کا نُور ، سُکوں ریز و دیں پناہ
ہاں، کفرِ شر پسند، اب اپنی منائے خیر
Hai Mustafa ka noor, sukoon rez o deen panah
Haan, kufr-e-shar pasand, ab apni manaaye khair
ہم اُس نبیؐ کے خیر سے ادنیٰ غلام ہیں
جو ابتدائے خیر ہے، جو انتہائے خیر
Hum us Nabi ke khair se adna ghulaam hain
Jo ibtidaaye khair hai, jo intahaae khair
رحمت کے بادلوں کو جِلو میں لیے ہُوئے
چھانے لگی مدینے سے چل کر ہوائے خیر
Rehmat ke badalon ko jilo mein liye huye
Chhanay lagi Madine se chal kar hawaaye khair
ہر دم دُرود بھیج! رسولِؐ انام پر
اُن کی گلی میں جا! کہ مقدر میں آئے خیر
Har dam durood bhej! Rasool-e-Anam par
Un ki gali mein ja! Ke muqaddar mein aaye khair
خیر البشرؐ نے شر کو مٹایا کچھ اِس طرح
ہر گوشۂ زمیں پر رہے جم کے پائے خیر
Khair-ul-bashar ne shar ko mitaya kuch is tarah
Har goshay-e-zameen par rahe jam ke paaye khair
رحمت ہے خاص و عام پہ اُس بارگاہ میں
پائیں گے ہر قدم پہ سب اپنے پرائے ، خیر
Rehmat hai khaas o aam pe us bargah mein
Paayein gey har qadam pe sab apne paraye, khair
ہر سُو جو حادثوں کے شرارے نظر پڑے
سب کہہ رہے ہیں اب کہ مدینہ ہے جائے خیر
Har su jo haadison ke sharare nazar pare
Sab keh rahe hain ab ke Madina hai jaye khair
محشر میں سب تھے اُن کی شفاعت کے منتظر
وہ آگئے حضورؐ، وہ اُبھرا لِوائے خیر
Mahshar mein sab the un ki shafaat ke muntazir
Woh aagaye Huzoor, woh ubhra liwaaye khair
آفاق میں نہ کس لیے گونجے مِری صدا
مَیں بھی تو ہُوں نصیرؔ! شریکِ دُعائے خیر
Aafaq mein na kis liye goonji meri sada
Main bhi to hoon Naseer! Shareek-e-duaaye khair
Share This Naat
Share with friends and family
پائی گئی ہے دوش پہ جن کے ، رِدائے خیر
سید نصیرالدیں نصیر