تھا مِہر صِفَت قافلہ سالار کا چہرہ
نیزے پہ دمکتا رہا ، سردار کا چہرہ
Tha mehr sifat qafila salar ka chehra
Neze pe damkta raha, sardar ka chehra
وہ آئنہ تھا چہرہء شبیر کہ جس میں
آتا تھا نظر ، حیدرِ کرّار کا چہرہ
Wo aaina tha chehra-e-Shabbir ke jis mein
Aata tha nazar, Haider-e-Karar ka chehra
صد حیف وہ خود یُوں بھرے بازار سے گُزرے
جس گھر نے نہ دیکھا کبھی، بازار کا چہرہ
Sad haif wo khud yun bhare bazar se guzre
Jis ghar ne na dekha kabhi, bazar ka chehra
ہے پیاس کی شدّت ، وہ سکینہ کے لبوں پر
مثلِ عَلَم اُترا ہے، علمدار کا چہرہ
Hai pyas ki shiddat, wo Sukaina ke labon par
Misl-e-alam utra hai, almdar ka chehra
آثار کچھ ایسے تھے زینب کی نظر سے
دیکھا نہ گیا ، عابدِ بیمار کا چہرہ
Asar kuch aise the Zainab ki nazar se
Dekha na gaya, Abid-e-bimar ka chehra
اشکوں کی طرح تھے جو ستارے شبِ عاشُور
تھا چاند بھی اک اُں کے عزادار کا چہرہ
Ashkon ki tarah the jo sitare shab-e-Ashoora
Tha chand bhi un ke azadar ka chehra
وہ خُطبہء زینب کہ علی بول رہے تھے
ہر لفظ پہ فق تھا ، بھرے دربار کا چہرہ
Wo khutba-e-Zainab ke Ali bol rahe the
Har lafz pe fuq tha, bhare darbar ka chehra
دیکھو گے خورشیدِ قیامت کے مقابل
لَو دے گا نصیؔر اُن کے پرستار کا چہرہ
Dekho ge khursheed-e-qayamat ke muqabil
Lo de ga Nasir un ke parastar ka chehra
Share This Naat
Share with friends and family
تھا مِہر صِفَت قافلہ سالار کا چہرہ
سید نصیرالدیں نصیر