Manqabat
خدا کے فَضْل سے میں ہوں گدا فاروقِ اعظم کا
خدا کے فَضْل سے میں ہوں گدا فاروقِ اعظم کا
خدا اُن کا محمد مصطَفٰے فاروقِ اعظم کا
Khuda ke fazl se main hoon gada Farooq-e-Azam ka
Khuda un ka Muhammad Mustafa Farooq-e-Azam ka
کرم اللہ کا ہر دم نبی کی مجھ پہ رَحمت ہے
مجھے ہے دو جہاں میں آسرا فاروقِ اعظم کا
Karam Allah ka har dum Nabi ki mujh pe rahmat hai
Mujhe hai do jahan mein aasra Farooq-e-Azam ka
پسِ صدّیقِ اکبر مصطَفٰے کے سب صحابہ میں
ہے بے شک سب سے اونچا مرتبہ فاروقِ اعظم کا
Pas-e-Siddiqu-e-Akbar Mustafa ke sab sahaba mein
Hai beshak sab se ooncha martaba Farooq-e-Azam ka
گلی سے ان کی شیطاں دُم دبا کر بھاگ جاتا ہے
ہے ایسا رُعْب ایسا دبدبہ فاروقِ اعظم کا
Gali se un ki shaitaan dum daba kar bhaag jata hai
Hai aisa r’b aisa dabdaba Farooq-e-Azam ka
صحابہ اور اہلِ بیت کی دل میں محبت ہے
بَفیضانِ رضا میں ہوں گدا فاروقِ اعظم کا
Sahaba aur Ahl-e-Bait ki dil mein mohabbat hai
B’faizan-e-Raza main hoon gada Farooq-e-Azam ka
رہے تیری عطا سے یاخدا! تیری عنایت سے
ہمارے ہاتھ میں دامن سدا فاروقِ اعظم کا
Rahe teri atta se ya Khuda! teri inayat se
Humare haath mein daman sada Farooq-e-Azam ka
بھٹک سکتا نہیں ہرگز کبھی وہ سیدھے رستے سے
کرم جس بَخْت وَر پر ہو گیا فاروقِ اعظم کا
Bhatak sakta nahi hargiz kabhi woh seedhe raste se
Karam jis bakht-war par ho gaya Farooq-e-Azam ka
خدا کی خاص رحمت سے محمد کی عنایت سے
جہنَّم میں نہ جائے گا گدا فاروقِ اعظم کا
Khuda ki khaas rahmat se Muhammad ki inayat se
Jahannum mein na jaye ga gada Farooq-e-Azam ka
سدا آنسو بہائے جو غَمِ عشقِ محمد میں
دے ایسی آنکھ یارب! واسِطہ فاروقِ اعظم کا
Sada aansu bahae jo gham-e-ishq-e-Muhammad mein
De aisi aankh Ya Rab! wasita Farooq-e-Azam ka
مجھے حجّ وزیارت کی سعادت اب عنایت ہو
وسیلہ پیش کرتا ہوں خدا فاروقِ اعظم کا
Mujhe Haj o ziarat ki sa'adat ab inayat ho
Waseela pesh karta hoon Khuda Farooq-e-Azam ka
الٰہی! ایک مدّت سے مِری آنکھیں ترستی ہیں
دکھا دے سبز گنبد واسِطہ فاروقِ اعظم کا
Ilahi! ek muddat se meri aankhein tarasti hain
Dikha de sabz gunbad wasita Farooq-e-Azam ka
شہادت اے خدا! عطّارؔ کو دیدے مدینے میں
کرم فرما الٰہی! واسِطہ فاروقِ اعظم کا
Shahadat ae Khuda! Attar ko dede Madine mein
Karam farma Ilahi! wasita Farooq-e-Azam ka
Share This Naat
Share with friends and family
خدا کے فَضْل سے میں ہوں گدا فاروقِ اعظم کا
الیاس عطار قادری