باخبر سرِ حقیقت سے وہ مستانے ہیں
جن کی قسمت میں ترے عشق کے پیمانے ہیں
Ba khabar sar e haqeeqat se wo mastane hain
Jin ki qismat mein tere ishq ke paimane hain
اب تو بے خواب نگاہوں کو دکھا دو جلوہ
کب سے محروم بہاروں سے یہ ویرانے ہیں
Ab to be khwab nigahon ko dikha do jalwa
Kab se mehroom baharon se ye weerane hain
لاج رکھنا مرے سرکارؐ کریمی ہوگی ،
بس مرے پاس تو نعتوں کے یہ نذرانے ہیں
Laaj rakhna mere Sarkar ﷺ kareemi hogi,
Bas mere paas to naaton ke ye nazrana hain
لوحِ محفوظ پہ رہتی ہیں نگاہیں انکی
میرے آقامرے مولا کے جو دیوانے ہیں
Loah e mahfooz pe rehti hain nigahen unki
Mere Aqa mere Maula ke jo deewane hain
اپنی رحمت سے انہیں رنگ حقیقت دے دو
مری ہستی کے جو بکھرے ہوئے افسانے ہیں
Apni rehmat se unhein rang e haqeeqat de do
Meri hasti ke jo bikhre hue afsane hain
عشقِ سرکارؐ مدینہ کی جو پیتے ہیں شراب
ان کی آنکھیں نہیں توحید کے میخانے ہیں
Ishq e Sarkar ﷺ Madina ki jo peete hain sharab
Un ki aankhen nahi tauheed ke maikhane hain
چشمِ عالم میں ضیا بن کے رہا کرتے ہیں
واقعی شمعِ رسالتؐ کے جو پروانے ہیں
Chashm e alam mein zia ban ke raha karte hain
Waqai shama e Rasalat ﷺ ke jo parwane hain
اُن کو بس اُنکو سمجھتا ہوں میں اپنا خالدؔ
یادِ سرورؐ میں جو کونین سے بیگانے ہیں
Un ko bas unko samajhta hoon mein apna Khalid
Yaad e Sarwar ﷺ mein jo konain se begaane hain
Share This Naat
Share with friends and family
باخبر سرِ حقیقت سے وہ مستانے ہیں
خالد محمود خالد