سارے نبیوں کے عہدے بڑے ہیں لیکن آقا کا منصب جدا ہے
وہ امامِ صفِ انبیاہیں ‘ اُن کا رُتبہ بڑوں سے بڑا ہے
Saare nabiyon ke ohde bare hain lekin aaqa ka mansab jda hai
Woh imam-e-saf-e-anbiya hain ' un ka rutba baron se bara hai
کوئی لفظوں سے کیسے بتا دے ‘ ان کے رُتبے کی حد ہے تو کیا ہے
ہم نے اپنے بڑوں سے سُنا ہے ‘ صرف اللہ ان سے بڑا ہے
Koi lafzon se kaise bata de ' un ke rutbe ki had hai to kya hai
Hum ne apne baron se suna hai ' sirf Allah un se bara hai
وہ اک شہرِ نور الہدیٰ ہے ‘ جلوہ گاہوں کا اک سلسلہ ہے
جس کی ہر صبح شمس الضحیٰ ہے جس کی ہر شام بدرالدجیٰ ہے
Woh ek shehar-e-noor-ul-huda hai ' jalwa-gaahon ka ek silsila hai
Jis ki har subah shams-ud-duha hai jis ki har shaam badr-ud-duja hai
نام جنت کا تم نے سُنا ہے ‘ میں نے اس کا نظارہ کیا ہے
میں یہاں سے تمہیں کیا بتادوں ‘ ان کی نگری کی گلیوں میں کیا ہے
Naam jannat ka tum ne suna hai ' main ne uska nazara kiya hai
Main yahan se tumhain kya bata doon ' un ki nagri ki galiyon mein kya hai
کتنا پیارا ہے موسم وہاں کا ‘ کتنی پُر کیف ساری فضا ہے
تم مرے ساتھ خود چل کے دیکھو ‘ گرد طیبہ بھی خاک شفا ہے
Kitna Pyara hai mausam wahan ka ' kitni pur kaif sari fiza hai
Tum mere saath khud chal ke dekho ' gard-e-taiba bhi khaak-e-shifa hai
یہ وہی شہرِ طیبہ ہے جس میں خواب گاہِ حبیب خدا ہے
کام ہے جن کا عقدہ کشائی ‘ نام بھی جن کا خیر الوریٰ ہے
Ye wohi shehar-e-taiba hai jis mein khwab gah-e-habib khuda hai
Kaam hai jin ka uqda kushai ' naam bhi jin ka khair-ul-wara hai
جن کا رُتبہ سِوا ہے ‘ فہم و ادراک سے ماورا ء ہے
بحر و بر جن کے زیر نگیں ہیں ‘ تابہ افلاک جن کی ضیا ہے
Jin ka rutba siwa hai ' fahm o idrak se mawara hai
Behr o barr jin ke zair nageen hain ' ta-ba aflaq jin ki zia hai
پیشواؤں کے جو پیشوا ہیں ‘ اک لقب جن کا صدر العلاء ہے
قاب قوسین ہے جن کی منزل‘ رہگزر سدرۃ المنتہیٰ ہے
Peshawaon ke jo peshawa hain ' ek laqab jin ka sadr-ul-ula hai
Qaab-e-qosain hai jin ki manzil ' reh-guzar Sidrat-ul-muntaha hai
مستقل ان کی ڈیوڑھی عطا ہو‘ میرے معبود یہ التجا ہے
کوئی پوچھے تو یہ کہہ سکوں میں ‘ بابِ جبریل میرا پتہ ہے
Mustaqil un ki deorhi ata ho ' mere ma'bood ye iltija hai
Koi pooche to ye keh sakoon main ' Bab-e-Jibraeel mera pata hai
Share This Naat
Share with friends and family
سارے نبیوں کے عہدے بڑے ہیں
پروفیسراقبال عظیم