جس طرف چشمِ محمدّؐ کے اشارے ہوگئے
جتنے ذرّے سامنے آئے ستارے ہو گئے
Jis taraf chashm-e-Muhammadؐ ke ishare hogaye
Jitne zarre samne aaye sitare ho gaye
جب کبھی عِشق محمدّؐ کی عنایت ہو گئی
میرے آنسو کوثر و زمزم کے دھارے ہو گئے
Jab kabhi ishq-e-Muhammadؐ ki inayat ho gayi
Mere aansu kausar o zamzam ke dhare ho gaye
موجۂ طوفاں میں جب نام محمدؐ لے لیا
ڈوبتی کشتی کے تِنکے ہی سہارے ہو گئے
Mauja-e-toofan mein jab naam-e-Muhammadؐ le liya
Doobti kashti ke tinke hi sahare ho gaye
یا محمدّؐ آپ کی نظروں کا یہ اعجاز ہے
جس طرف اُٹھیں نگاہیں سب تمہارے ہو گئے
Ya Muhammadؐ aap ki nazron ka ye eijaz hai
Jis taraf uthti nigahen sab tumhare ho gaye
میں ہُوں اور یادِ مدینہ اور ہیں تنہائیاں
اپنے بیگانے سبھی مُجھ سے کنارے ہوگئے
Main hoon aur yad-e-Madina aur hain tanhaiyan
Apne begane sabhi mujh se kinare hogaye
اپنی کملی کا ذرا سایہ عنایت ہو مجھے
دل کے دُشمن یا محمدؐ دل سے پیارے ہوگئے
Apni kamli ka zara saya inayat ho mujhe
Dil ke dushman ya Muhammadؐ dil se pyare hogaye
ڈوبنے والوں نے جب نام محمدّؐ لے لیا
حلقۂ طوفان کو حاصل کنارے ہو گئے
Doobne walon ne jab naam-e-Muhammadؐ le liya
Halqa-e-toofan ko hasil kinare ho gaye
ان کی نظروں میں یقیناً باغ جنت کچھ نہیں
جِس کی نظروں کو مدینے کے نظارے ہوگئے
Un ki nazron mein yaqeenan bagh-e-jannat kuch nahi
Jis ki nazron ko Madine ke nazare ho gaye
چند لمحے آستانِ پاک پر گزرے ہیں جو
وہ ہماری زندگانی کے سہارے ہوگئے
Chand lamhe astanae paak par guzre hain jo
Woh hamari zindagani ke sahare hogaye
سبز گنبد کے لیے اشعارِ ساغرؔ مرحبا
جگمگا کر زندگی کے ماہ پارے ہو گئے
Sabz gumbad ke liye ash'ar-e-Sagharؔ marhaba
Jagmaga kar zindagi ke mahpare ho gaye
Share This Naat
Share with friends and family
جس طرف چشمِ محمدّؐ کے اشارے ہوگئے
ساغر صدیقی