الہٰی روضۂ خیرالبشر پر میں اگر جاؤں
تو اک سجدہ کروں ایسا کہ آپے سے گزر جاؤں
Ilaahi rodzah-e-khair-ul-bashr par main agar jaaun
To aik sajdah karun aisa ke aapay se guzar jaaun
نجاتِ آخرت کا اس قدر ساماں کر جاؤں
کہ طیبہ جاکے اک سجدہ کروں سجدے میں مرجاؤں
Nijaat-e-aakhrat ka is qadr saamaan kar jaaun
Ke Taiba jaake aik sajdah karun sajde mein mar jaaun
مدینے جانے والے سر کے بل جاتے ہیں جانے دو
مرے قسمت میں جو جانا تو بارنگِ دِگر جاؤں
Madinay janay walay sir ke bal jatay hain janay do
Mere qismat mein jo jaana to barang-e-digar jaaun
اڑادوں سب سے پہلے طائر جاں اس طرف اپنا
سہارے سے اسی طائر کے پھر بے بال و پر جاؤں
Ura don sab se pehle taair-e-jaan us taraf apna
Sahare se usi taair ke phir be-baal-o-par jaaun
کبھی روضے سے منبر تک کبھی منبر سے روضے تک
اِدھر جاؤں اُدھر جاؤں اسی حالت میں مرجاؤں
Kabhi rodzay se minbar tak kabhi minbar se rodzay tak
Idhar jaaun udhar jaaun usi haalat mein mar jaaun
سگانِ کوچۂ دلدار کی پیہم بلائیں لوں
تماشا بن کے رہ جاؤں مدینے میں جدھر جاؤں
Saghaan-e-koocha-e-dildar ki paiham balayein loon
Tamasha ban ke reh jaaun Madinay mein jidhar jaaun
میں کچھ درِّ شفاعت لیکے لوٹوں چشمِ رحمت کے
جو دربارِ معالی میں کبھی باچشمِ تر جاؤں
Main kuchh darr-e-shafaat leke loutun chashm-e-rehmat ke
Jo darbar-e-mu'ali mein kabhi bachashm-e-tar jaaun
تمہارے نام لیوا بےخطر جاتے ہیں محشر میں
اشارہ ہو اگر مجھکو تو میں بھی بے خطر جاؤں
Tumhare naam liwa bekhatar jatay hain Mahshar mein
Isharah ho agar mujhko to main bhi bekhatar jaaun
توجہ ان کرم پرور نگاہوں کی جو ہوجائے
مرا ایماں سنور جائے میں ایماں سے سنور جاؤں
Tawajju un karam parwar nigahon ki jo hojaye
Mera imaan sanwar jaye main imaan se sanwar jaaun
سمجھ کر کوچۂ جاناں میں جنت میں چلا آیا
کوئے جاناں تو طیبہ ہے میں جاؤں تو کدھر جاؤں
Samajh kar koocha-e-jaan mein jannat mein chala aaya
Kooye-jaan to Taiba hai main jaaun to kidhar jaaun
خلیؔل اب زاد راہِ آخرت کی سعی احسن میں
مدینے سر کے بل جاؤں وہاں پہنچوں تو مرجاؤں
Khalil ab zaad raah-e-aakhrat ki sa'ee ahsan mein
Madinay sir ke bal jaaun wahan pahunchoon to mar jaaun
Share This Naat
Share with friends and family
الہٰی روضۂ خیرالبشر پر میں اگر جاؤں
مفتی خلیل احمد خلیل