naat
وہ جو میثاق نبیوں سے باندھا گیا اس کا تھا مدعا خاتم الانبیاء
وہ جو میثاق نبیوں سے باندھا گیا اس کا تھا مدعا خاتم الانبیاء
بزمِ ہستی سجا کر دکھایا گیا معنی لولاک کا خاتم الانبیاء
Woh jo misaaq-e-nabiyon se baandha gaya us ka tha madura Khatam-ul-Anbiya
Bazm-e-hasti saja kar dikhaya gaya maani laolaak ka Khatam-ul-Anbiya
تھا وہ قصرِ نبوت کا منظر حسیں جس میں کوئی کمی تھی کہیں نہ کہیں
وہ جو آئے عمارت مکمل ہوئی رنگ کُھل کر کِھلا خاتم الانبیاء
Tha woh qasr-e-nabuwwat ka manzar haseen jismein koi kami thi kahin na kahin
Woh jo aaye imarat mukammal hui rang khul kar khila Khatam-ul-Anbiya
آپ سے پہلے تھے جو پیمبر سبھی اپنے اپنے زمانوں کے تھے سب نبی
آپ ہی کی نبوت ہوئی دائمی ابتدا، انتہا، خاتم الانبیاء
Aap se pehle the jo paimbar sabhi apne apne zamano ke the sab nabi
Aap hi ki nubuwwat hui daimi ibtida, inteha, Khatam-ul-Anbiya
آگہی علم و حکمت تھے محوِ سفر جست بھرنے کو تھی جب کہ نوعِ بشر
ہر بلندی کی جانب ہوا راہبر آپ کا نقشِ پا خاتم الانبیاء
Aagahi ilm o hikmat the mehve safar just bharne ko thi jab ke no-e-bashar
Har bulandi ki janib hua raahbar aap ka naqsh-e-pa Khatam-ul-Anbiya
آپ کے بعد کوئی نبوت نئی اب ہو جاری یہ ہرگز بھی ممکن نہیں
ہے خدا کا یہ فرمان قرآن میں وہ ہے سچا خدا خاتم الانبیاء
Aap ke baad koi nubuwwat nai ab ho jaari ye hargiz bhi mumkin nahi
Hai Khuda ka ye farmaan Quran mein woh hai sacha Khuda Khatam-ul-Anbiya
آدم و ابنِ مریم ہو چاہے کوئی جن کی دنیا میں قائم امامت رہی
صحنِ اقصیٰ میں سب مقتدی بن گئے آپ تھے مقتدٰی، خاتم الانبیاء
Adam o ibn-e-Maryam ho chahe koi jin ki duniya mein qaim imamat rahi
Sehan-e-Aqsa mein sab muqtadi ban gaye aap the muqtada, Khatam-ul-Anbiya
آپ ہی سے ہوا روشنی کا سفر جگمگانے لگے سب زمانے ظفر
آپ شمس الضُّحٰی آپ نُورِ خدا آپ کا مرتبہ خاتم الانبیاء
Aap hi se hua roshni ka safar jagmagane lage sab zamane Zafar
Aap Shams-ud-Duha aap Noor-e-Khuda aap ka martaba Khatam-ul-Anbiya
Share This Naat
Share with friends and family
وہ جو میثاق نبیوں سے باندھا گیا اس کا تھا مدعا خاتم الانبیاء
محمد ظفراقبال نوری