نہ عرشِ ایمن نہ اِنِّیْ ذَاھِبٌ میں میہمانی ہے
نہ لطف اُدْنُ یَا اَحْمَدنصیب لَنْ تَرَانِیہے
Naat Roman Urdu:
نصیبِ دوستاں گر اُن کے دَر پر مَوت آنی ہے
خدا یُوں ہی کرے پھر تو ہمیشہ زِندگانی ہے
Na Arsh-e-Aiman na Inni Zahibun mein mehmaani hai
Na lutf Udn' yaa Ahmad naseeb Lan Tarani hai
Naseeb-e-dostaan gar un ke dar par maut aani hai
Khuda yun hi kare phir to hamesha zindgani hai
Usi dar par tadapte hain machalte hain bilakte hain
Utha jaata nahi kya khoob apni natwaani hai
Har ik deewar o dar par mehr ne ki hai jabeen saai
Nigaar-e-masjid aqdas mein kab sone ka paani hai
Tere mangta ki khamoshi shafaat khwah hai us ki
Zubaan-e-bezabani tarjuman-e-khasta jaani hai
Khule kya raaz-e-mehboob o mehab mastaane ghaflat par
Sharab Qad Ra'al Haq zaib-e-jam-e-man rani hai
Jahan ki khakroobi ne chaman ara kiya tujh ko
Saba hum ne bhi un galiyon ki kuch din khaak chhani hai
Sheha kya zaat teri Haq numa hai fard-e-imkaan mein
Ke tujh se koi awwal hai na tera koi saani hai
Kahaan is ko shak-e-jaan-e-jinaan mein zar ki naqashi
Iram ke taair-e-rang-e-pareeda ki nishani hai
Ziyaabun Fi Siyaabin lab pe kalma dil mein gustaakhi
Salaam Islam malhid ko ke tasleem-e-zabani hai
Ye aksar saath un ke shana o miswak ka rehna
Bataata hai ke dil reshoun pe zaaid mehrbaani hai
Isi sarkar se duniya o deen milte hain saail ko
Yehi darbaar-e-aali kanz aamaal o amaani hai
Durooden soorat-e-haala muhiit-e-maah-e-tayba hain
Barasta ummat aasi pe ab rehmat ka paani hai
Ta'ala Allah istaghna tere dar ke gadaon ka
Ke un ko aar far o shaukat sahib quraani hai
Woh sar garm-e-shafaat hain arq afshaan hai paishani
Karam ka itr sandal ki zameen rehmat ki ghani hai
Ye sar ho aur wo khaak-e-dar wo khaak-e-dar ho aur ye sar
Raza wo bhi agar chahain to ab dil mein ye thaani hai
اُسی دَر پر تڑپتے ہیں مچلتے ہیں بِلکتے ہیں
اُٹھا جاتا نہیں کیا خوب اپنی ناتوانی ہے
ہر اِک دیوار و دَر پر مہر نے کی ہے جبیں سائی
نگارِ مسجد اَقدس میں کب سونے کا پانی ہے
تِرے منگتا کی خاموشی شفاعَت خواہ ہے اُس کی
زبانِ بے زبانی ترجمانِ خستہ جانی ہے
کُھلے کیا رازِ محبوب و محب مستانِ غفلت پر
شراب قَدْ رَأَی الْحَق زیبِ جامِ مَنْ رَاٰنِی ہے
جہاں کی خاکروبی نے چمن آرا کیا تجھ کو
صبا ہم نے بھی اُن گلیوں کی کچھ دِن خاک چھانی ہے
شہا کیا ذات تیری حق نما ہے فردِ امکاں میں
کہ تجھ سے کوئی اوّل ہے نہ تیرا کوئی ثانی ہے
کہاں اس کو شکِ جانِ جناں میں زَر کی نقاشی
اِرم کے طائرِ رنگِ پَریدہ کی نشانی ہے
ذِیَابٌ فِی ثِیَابٍلب پہ کلمہ دِل میں گستاخی
سلام اسلام ملحد کو کہ تسلیمِ زبانی ہے
یہ اکثر ساتھ اُن کے شانہ و مسواک کا رہنا
بتاتا ہے کہ دل ریشوں پہ زائد مہربانی ہے
اسی سرکار سے دُنیا و دِیں مِلتے ہیں سائل کو
یہی دَربارِ عالی کنز آمال و اَمَانی ہے
دُرودیں صورتِ ہالہ محیطِ ماہِ طیبہ ہیں
برستا امت عاصِی پہ اب رحمت کا پانی ہے
تَعَالٰی اللہ اِستغنا تِرے دَر کے گداؤں کا
کہ ان کو عار فر و شوکت صاحب قرانی ہے
وہ سر گرمِ شفاعت ہیں عرق اَفشاں ہے پیشانی
کرم کا عطر صَندل کی زَمیں رَحمت کی گھانی ہے
یہ سر ہو اور وہ خاکِ دَر وہ خاکِ دَر ہو اور یہ سر
رضاؔ وہ بھی اگر چاہیں تو اب دِل میں یہ ٹھانی ہے
Share This Naat
Share with friends and family
نہ عرشِ ایمن نہ اِنِّیْ ذَاھِبٌ میں میہمانی ہے
احمد رضا خان بریلوی