اس کو کیا واسطہ مدینے سے
دل نہ جس کا جُڑا مدینے سے
Is ko kya waasta madine se
Dil na jis ka juda madine se
آگئے لے کے دینِ حق سرور
کفر رخصت ہوا مدینے سے
Aagaye le ke deen-e-Haq sarwar
Kufr ruksat hua madine se
ہے یہ اعجازِ آمدِ سرور
دور ہے ہر بلا مدینے سے
Hai ye eijaaz-e-aamad-e-sarwar
Door hai har bala madine se
میں غلامِ شہِ مدینہ ہوں
ہے مرا سلسلہ مدینے سے
Main ghulam-e-sheh-e-madina hoon
Hai mera silsila madine se
مسکنِ مصطفیٰؐ ہوا طیبہ
نامِ آقاؐ جڑا مدینے سے
Maskan-e-Mustafaؐ hua Tayyaba
Naam-e-Aaqaؐ juda madine se
یوں کئی شہر ہیں حسیں لیکن
کیا تقابل بھلا مدینے سے
Yoon kai shehr hain haseen lekin
Kya taqabul bhala madine se
ہے وہ خوش بخت جو درِ سرور
دیکھ کر آگیا مدینے سے
Hai woh khush bakht jo dar-e-sarwar
Dekh kar aagaya madine se
سارے عالم پہ جھوم کر برسا
ابر حق جب اٹھا مدینے سے
Saare alam pe jhoom kar barsa
Abr-e-Haq jab utha madine se
ہم کہیں سے پڑھیں درود احسؔن
سنتے ہیں مصطفیٰؐ مدینے سے
Hum kahin se parhain durood Ahsan
Sunte hain Mustafaؐ madine se
Share This Naat
Share with friends and family
اس کو کیا واسطہ مدینے سے
احسن اعظمی