آپ کا ثانی شہا کوئی نہیں
دوسرا خیر الوری کوئی نہیں
Aap ka saani shahaa koi nahi
Doosraa khayr al-wara koi nahi
آپ کا در چھوڑ کر جاؤں کہاں
مجھ گدا کا آسرا کوئی نہیں
Aap ka dar chhod kar jaaun kahaan
Mujh gadaa ka aasra koi nahi
میں نے دیکھے ہیں جہاں بھر کے سخی
آپ سا لیکن ملا کوئی نہیں
Main ne dekhe hain jahaan bhar ke sakhi
Aap sa lekin mila koi nahi
بخشوائے گا جو ہم کو حشر میں
سرور دیں کے سوا کوئی نہیں
Bakhshwayega jo hum ko hashr mein
Sarwar-e-deen ke siwa koi nahi
رہبری کیجئے کہ منزل دور ہے
راستوں کا بھی پتہ کوئی نہیں
Rahbari keejiye ke manzil door hai
Raaston ka bhi pata koi nahi
آپ کے دربار سے ہر ایک کو
مل رہا ہے مانگتا کوئی نہیں
Aap ke darbaar se har aik ko
Mil raha hai mangta koi nahi
گر نہیں ہے آپ سے کوئی سخی
میرے جیسا بھی گدا کوئی نہیں
Gar nahi hai aap se koi sakhi
Mere jaisa bhi gadaa koi nahi
سب جہاں ہیں مصطفیٰ کے سامنے
اور جہاں میں مصطفیٰ کوئی نہیں
Sab jahaan hain Mustafa ke saamne
Aur jahaan mein Mustafa koi nahi
آپ ہی کی ذات کا ہے آسرا
کام تو اچھا کیا کوئی نہیں
Aap hi ki zaat ka hai aasra
Kaam to achha kiya koi nahi
ان کے غم میں جو نہ گزرے زندگی
ایسے جینے کا مزا کوئی نہیں
Un ke gham mein jo na guzre zindagi
Aise jeene ka maza koi nahi
کچھ نہ کچھ صدقہ نواسوں کا ملے
نہ ملے تو بھی گلہ کوئی نہیں
Kuchh na kuchh sadqa nawason ka mile
Na mile to bhi gilaa koi nahi
وہ فقط شہر مدینہ ہے جہاں
فضل رب کی انتہا کوئی نہیں
Woh faqat shehar Madinah hai jahaan
Fazl-e-Rabb ki intehaa koi nahi
آپ سے مانگو نیازی آپ کو
اس سے اچھا مدعا کوئی نہیں
Aap se maangu Niazi aap ko
Us se achha mad’ua koi nahi
Share This Naat
Share with friends and family
آپ کا ثانی شہا کوئی نہیں
عبدالستار نیازی