زمیں ایسی کہ جس پر آسماں قربان ہو جائے
ستارے گرد چُومیں کہکشاں قربان ہو جائے
Zameen aisi ke jis par aasmaan qurbaan ho jaye
Sitare gard choomein kahkashaan qurbaan ho jaye
گلی کُوچوں کی دیواروں پہ بَرسے نُور کی بارش
مکاں ایسے کہ جن پر لامکاں قربان ہوجائے
Gali koochon ki deewaron pe barse noor ki baarish
Makaan aise ke jin par la-makaan qurbaan ho jaye
وہ رستہ ایسا رستہ ہے وہ منزل ایسی منزل ہے
کہ جس پر آنکھ ریجھے اور جاں قربان ہو جائے
Woh rasta aisa rasta hai woh manzil aisi manzil hai
Ke jis par aankh reejhay aur jaan qurbaan ho jaye
وہ صحرا جس کے ذرّوں میں چمک اجلی شعاعوں کی
وہ ٹھنڈی دھوپ جس پر سائباں قربان ہوجائے
Woh sehra jis ke zarron mein chamak ojli shuaon ki
Woh thandi dhoop jis par saayebaan qurbaan ho jaye
کھُلے ماحول میں وہ بولتے منظر کھُجوروں کے
کہ جن کے حُسن پر باغِ جناں قرباں ہو جائے
Khule maahaul mein woh bolte manzar khajooron ke
Ke jin ke husn par baagh-e-jinaan qurbaan ho jaye
یہی سب سے بڑی انجم سعادت ہے کہ تُو اُن پر
جہاں موقع ملے تجھ کو وہاں قربان ہو جائے
Yahi sab se bari anjum sa'adat hai ke tu un par
Jahan mauqa mile tujh ko wahan qurbaan ho jaye
Share This Naat
Share with friends and family
زمیں ایسی کہ جس پر آسماں قربان ہو جائے
انجم نیازی