مرجان نہ یاقوت نہ لعلِ یمنی مانگ
اللہ سے جذبات اویسِ قرنی مانگ
Marjaan na yaqoot na laal-e-yamani maang
Allah se jazbaat Owais-e-qarni maang
محشر کی تمازت سے نجات آج ہی پالے
اس گیسوئے رحمت کی ذرا چھاؤں گھنی مانگ
Mahshar ki tamazat se nijaat aaj hi paale
Is gesu-e-rahmat ki zara chaaon ghani maang
اس سے بڑی نعمت نہیں کونین میں کوئی
سرکار سے سرکار کی بس ہم وطنی مانگ
Is se badi naemat nahi konain mein koi
Sarkar se sarkar ki bas hum watni maang
گمُ سُم تھا درِ شہ پہ کہا آکے کسی نے
قسمت سے یہ موقع ملا قسمت کے دھنی مانگ
Gum sum tha dar-e-sheh pe kaha aake kisi ne
Qismat se yeh mauqa mila qismat ke dhani maang
مانگے گا تو جتنا بھی سوا پائے گا اس سے
دنیا میں ہے بس اک یہی دربار غنی مانگ
Maange ga to jitna bhi sawa paaye ga is se
Duniya mein hai bas ik yehi darbaar ghani maang
واللہ کہ ہر نعمتِ کونین ملے گی
تو صدقہء سرکارِ حُسینی حَسنی مانگ
Wallah ke har nemat-e-konain mile gi
Tu sadqa-e-sarkar-e-Hussaini Hasani maang
لطف اور بھی آئے گا صبیح ؔ اُن کی ثنا کا
حسّان سے حسّان کی شیریں سخنی مانگ
Lutf aur bhi aaye ga Sabih un ki sana ka
Hassaan se Hassaan ki sheereen sakhni maang
Share This Naat
Share with friends and family
مرجان نہ یاقوت نہ لعلِ یمنی مانگ
سید صبیح الدین صبیح رحمانی