سیّاحِ عرش ، نقشِ کفِ پائے مُصطفؐےٰ
کون و مکاں سفینہ دریائے مُصطفؐےٰ
Sayyaah-e-arsh, naqsh-e-kaf-e-paaye Mustafay (SAW)
Kon o makaan safeena daryaae Mustafay (SAW)
اِک بوریا نشین نے بانٹی حکومتیں
سَیراب کر گیا ہمیں صحرائے مُصطفؐےٰ
Ik boriya nasheen ne baanti hukoomatein
Sairaab kar gaya humein sehraae Mustafay (SAW)
پَلتے ہیں آفتاب ، محمّد ؐ کے سائے میں
ہوتا ہے ذی شعور کو سودائے مُصطفؐےٰ
Paltay hain aaftaab, Muhammad (SAW) ke saaye mein
Hota hai zee shaor ko sodaaye Mustafay (SAW)
جلتے رہیں گے میرے لہُو کے چراغ بھی
مَیں بھی ہُوں اِک شہیدِ تمنّائے مُصطفؐےٰ
Jaltay rahain ge mere lahoo ke charaagh bhi
Main bhi hoon ik shaheed-e-tamannaaye Mustafay (SAW)
رنگینیوں کی زندگی کا لالچ نہ دے مُجھے
میں ہوں ہر ایک رنگ میں جو یائے مُصطفؐےٰ
Rangeeniyon ki zindagi ka laalach na de mujhe
Main hoon har aik rang mein jo yaaye Mustafay (SAW)
اُن کا کرم نہ ہو تو مَیں اِک پل نہ جی سکوں
چلتی ہے میری سانس بہ ایمائے مُصطفؐےٰ
Un ka karam na ho to main ik pal na jee sakoon
Chalti hai meri saans ba imaaye Mustafay (SAW)
مِرّیخ و ماہتاب ہیں دُنیا کی منزلیں
میرا عروج ، گنبدِ خضر ائے مُصطفؐےٰ
Merriikh o mahtaab hain duniya ki manzilein
Mera urooj, gunbad-e-Khizraaye Mustafay (SAW)
Share This Naat
Share with friends and family
"مَیں ، جو یائے مُصطفؐےٰ "
مظفر وارثی