قربان شبِ معراج اتوں جس میل کرایا یاراں دا
اس میل نصیب جگایا اے ساڈے جیہے او گنہگاراں دا
Qurban shab-e-mairaaj atoon jis mel karaa yaaraan da
Is mel naseeb jagaya ae saade jehae o gunahgaraan da
قربان اوہدی اسواری توں صدقے اوہدی غم خواری توں
رب کول بٹھا کے سوہنے نوں دکھ سنیا ایں دکھیاراں دا
Qurban ohdi aswaari toon sadqe ohdi gham khuwaari toon
Rab kol bitha ke sohne noon dukh sunia ae dukhiyaaraan da
ایہہ رات جہانوں وکھری اے، ایہہ بات جہانوں وکھری اے
کوئی وی بھید نہ پاسکیا یاراں دے قول قراراں دا
Aeh raat jahanoo wakhri ae, aeh baat jahanoo wakhri ae
Koi vi bhed na paasakia yaaraan de qoul qararaan da
پل وچہ طالب مطلوب ملے اک پل وچہ لکھاں پل گزرے
یاراں نے صدَقْتَ کہہ دتا، ایمان نبیؐ دیاں یاراں دا
Pal vichaa talib matloob mile ik pal vichaa lakhaan pal guzre
Yaaraan ne sadqat kah ditta, imaan Nabiؐ diyaan yaaraan da
اس دنیا نے یا حشر دِنے بنِ کملی والے کون سُنے
اوہ حامی سب دکھیاراں دا اوہ مونس کل بیماراں دا
Is duniya ne ya hashar dine ban-e-kamli wale kuon sune
Oh haami sab dukhiyaaraan da oh monis kal beemaraan da
اوہ روضہ سب توں سوہنے دا سب دنیا دے من موہنے دا
پُچھ قدر ظہوریؔ عاشق توں طیبہ دے در و دیواراں دا
Oh rohza sab toon sohne da sab duniya de man mohne da
Puch qadar Zahooriؔ aashiq toon Taiba de dar o deewaroon da
Share This Naat
Share with friends and family
قربان شبِ معراج اتوں جس میل کرایا یاراں دا
محمد علی ظہوری