سرکارِ دو عالم کا اگر در نہیں دیکھا
گویا کہ حسیں کوئی بھی منظر نہیں دیکھا
Sarkar-e-do-alam ka agar dar nahi dekha
Goya ke haseen koi bhi manzar nahi dekha
کرتا ہے مواجہ پہ جو معروض نبی سے
منگتوں میں کوئی ایسا تونگر نہیں دیکھا
Karta hai mavajah pe jo marooz Nabi se
Mangto mei koi aisa twonger nahi dekha
سلطان ہو یا کوئی گدا شاہ پہ کرتے
کِس کِس کو دل و جان نچھاور نہیں دیکھا
Sultan ho ya koi gada Shah pe karte
Kis kis ko dil o jaan nichawar nahi dekha
کہتے ہیں یہ جبریلِ امیں ان سے بصد شوق
کونین میں سرکار کا ہمسر نہیں دیکھا
Kehte hain yeh Jibrail-e-ameen un se b-sad shauq
Konain mei sarkar ka ham-sar nahi dekha
دیتا ہے اماں خون کے پیاسوں کو جو اپنے
جُز شاہ کے ایسا کوئی رہبر نہیں دیکھا
Deta hai amaan khoon ke piason ko jo apne
Juzz Shah ke aisa koi rehbar nahi dekha
دم توڑدے جو شاہ کی دہلیز پہ آ کر
اُس جیسا مقدر کا سکندر نہیں دیکھا
Dum tord de jo Shah ki dehleez pe a kar
Us jaisa muqaddar ka Sikandar nahi dekha
اُمّت کی جو بخشش کے لیے محوِ دُعا ہے
آقا کے سوا کوئی بھی یاور نہیں دیکھا
Ummat ki jo bakhshis ke liye mawh-e-dua hai
Aaqa ke siwa koi bhi yawer nahi dekha
ہیں مالکِ کونین چٹائی کا ہے بستر
ان جیسا بشر کوئی بھی سَرور نہیں دیکھا
Hain Maalik-e-konain chatai ka hai bastar
In jaisa bashar koi bhi sarwar nahi dekha
مرزا جو مدینے میں گئے ہم نے یہ جانا
کیا دیکھا اگر روضۂ انور نہیں دیکھا
Mirza jo Madeene mei gaye hum ne yeh jana
Kya dekha agar roodah-e-anwar nahi dekha
Share This Naat
Share with friends and family
سرکارِ دو عالم کا اگر در نہیں دیکھا
مرزا جاوید بیگ عطاری