عشقِ سرور میں بے قرار آنکھیں
خوش مقدر ہیں اشکبار آنکھیں
Ishq-e-Sarwar mein beqaraar aankhein
Khush maqaddar hain ashkbaar aankhein
خوبصورت ہے جس کا ہر منظر
ڈھونڈتی ہیں وہی دیار آنکھیں
Khubsoorat hai jiska har manzar
Dhoondti hain wahi diyaar aankhein
حسرتِ دید لے کے پلکوں میں
ان کا کرتی ہیں انتظار آنکھیں
Hasrat-e-deed le ke palkon mein
Unka karti hain intezaar aankhein
جلوہ گر ہے جو دشتِ طیبہ میں
مانگتی ہیں وہی غبار آنکھیں
Jalwa gar hai jo dasht-e-Tayyiba mein
Maangti hain wahi ghubaar aankhein
پانی پانی ہوئیں مواجہ پر
جرمِ عصیاں سے داغدار آنکھیں
Paani paani huyeen muwajah par
Jurm-e-isyaan se daghdaar aankhein
میں تہی دست کاش کر سکتا
روحِ کونین پر نثار آنکھیں
Main tahi dast kaash kar sakta
Rooh-e-kawnain par nisaar aankhein
وقتِ رخصت دیارِ خوشبو کو
مڑ کے دیکھیں گی بار بار آنکھیں
Waqt-e-rukhsat diyaar-e-khushboo ko
Mur ke dekhen gi baar baar aankhein
Share This Naat
Share with friends and family
عشقِ سرور میں بے قرار آنکھیں
اشفاق احمد غوری