اِدھر بھی نگاہِ کرم یا محمدؐ! صدا دے رہے ہیں یہ در پر سوالی
بہت ظُلم ڈھائے ہیں اہلِ ستم نے، دُہائی تری اے غریبوں کے والی
Idhar bhi nigah-e-karam ya Muhammad ﷺ! sada de rahe hain yeh dar par sawali
bohot zulm dhaye hain ahl-e-sitam ne, duhai teri ae ghareebon ke wali
نہ پوچھو دلِ کیف ساماں کا عالَم ہے پیشِ نظر اُن کا دربارِ عالی
نگاہوں میں ہیں پھر حُضُوری کے لمحے، تصوّر میں ہے اُن کے روضے کی جالی
na poocho dil-e-kaif saamaan ka aalam hai paish-e-nazar unka darbaar-e-aali
nigahon mein hain phir huzoori ke lamhe, tasawwur mein hai unke rozay ki jaali
جبیں خیر سے مطلعِ خیر و احساں، بدن منبعِ نُور، اَبرو ہلالی
اِدھر رُوئے روشن پہ والشّمس کی ضَو، اُدھر دوش پر زلف والّیل والی
jabeein khair se matla-e-khair o ehsaan, badan manba-e-noor, abroo halaali
idhar roo-e-roshan pe wash-shams ki zaw, udhar dosh par zulf wallail wali
عطا کیجئے آل زہراؓ کا صدقہ، فضائل کے پھُولوں سے دامن ہے خالی
نہ عرفانِ حیدرؓ، نہ فقرِ ابوذرؓ، نہ تمکینِ سلماںؓ، نہ صبرِ بلالیؓ
ata kijiye aal Zahra رضي الله عنها ka sadqa, fazaail ke phoolon se daaman hai khaali
na irfaan-e-Haider رضي الله عنه, na faqr-e-Abuzar رضي الله عنه, na tamkeen-e-Salman رضي الله عنه, na sabr-e-Bilali رضي الله عنه
سمندر بھرے نام کا جس کے پانی، اُسی ناخدا کی ہے یہ مہربانی
تلَاطُم میں آیا جو دریائے عصیاں، تو کشتی مِری ڈوبنے سے بچالی
samandar bhare naam ka jis ke pani, usi naakhuda ki hai yeh meherbani
talaatum mein aaya jo darya-e-isyalaan, tou kashti meri doobne se bachaali
نہ اب میرا خونِ تمنّا بہے گا، جو مانگا ہے اُن سے وہ مِل کر رہے گا
مَیں اُس شاہِؐ شاہاں کے در پر کھڑا ہُوں، کبھی بات سائل کی جس نے نہ ٹالی
na ab mera khoon-e-tamanna bahe ga, jo manga hai unse woh mil kar rahe ga
mein us Shah-e-Shahan ﷺ ke dar par khada hoon, kabhi baat saail ki jis ne na taali
نویدِ بہاراں ملے کِشتِ جاں کو ، خبر دے کوئی جاکے لب تشنگاں کو
برسنے کو آیا ہے طبیبہ سے بادل، وہ دیکھو اُٹھی ہے گھٹا کالی کالی
naveed-e-baharan mile kisht-e-jaan ko, khabar de koi jaake lab tashnagaan ko
barsne ko aaya hai tabiba se badal, woh dekho uthi hai ghata kaali kaali
سزاوار ہیں اب تو لطف و کرم کے، کھڑے ہیں جو سائے میں بابِ حرم کے
لئے آنکھوں میں اشکوں کے موتی، سجائے ہوئے دل کے زخموں کی ڈالی
saazwar hain ab tou lutf o karam ke, khade hain jo saaye mein bab-e-haram ke
liye aankhon mein ashkon ke moti, sajaaye hue dil ke zakhmon ki daali
زمانہ ہے گرچہ مُسلسل سفر میں، مُسلَّم ہے دُنیائے فکرو نظر میں
تری بے نظیری، تری بے عدیلی، تری بے مَثیلی، تری بے مثالی
zamaana hai garchay musalsal safar mein, musallam hai duniya-e-fikr o nazar mein
teri be nazeeri, teri be adeeli, teri be maseeli, teri be misaali
کرم ہے یہ سب آپ کا میرے آقاؐ! بلایا مجھے اپنی چوکھٹ پہ، ورنہ
کہاں میری پلکیں، کہاں خاکِ طیبہ، کہاں مَیں، کہاں آپ کا بابِ عالی
kiram hai yeh sab aap ka mere aaqa ﷺ! bulaya mujhe apni chowkhat pe, warna
kahan meri palkain, kahan khaak-e-Tayba, kahan main, kahan aap ka bab-e-aali
نہ مجھ میں کوئی گفتگو کا قرینہ، نہ دامن میں حرف و بیاں کا خزینہ
یہ عجزِ سخن ہی تو ہے میری دولت، ہے میرا ہُنر یہ مِری بے کمالی
na mujh mein koi guftagu ka qareena, na daaman mein harf o bayan ka khazeena
yeh ajz-e-sukhan hi to hai meri daulat, hai mera hunar yeh meri be kamali
رہے سَر پہ تاجِ شفاعت سلامت، ترا دَر رہے تا قیام ِ قیامت
توجّہ کی خیرات لے کر اُٹھے گا، نصیرؔ آج بیٹھا ہے بن کر سوالی
rahe sar pe taj-e-shafaat salaamat, tera dar rahe ta qayamat
tawajjo ki khairaat le kar uthay ga, Naseer aaj baitha hai ban kar sawali
Share This Naat
Share with friends and family
اِدھر بھی نگاہِ کرم یا محمدؐ!
سید نصیرالدیں نصیر