تیرے در پر خطا کار ہیں سر بہ خم اے وسیع الکرم
حشر کے روز رکھنا ہمارا بھرم اے شفیع الامم
Tere dar par khata kar hain sar ba khum ae wasi' ul-karam
Hashar ke roz rakhna hamara bharam ae shafi' ul-umam
تیرا پہلا قدم اوجِ سدرہ پہ تھا اے مرے مقتضا
اوجِ قوسین کا فاصلہ بھی ہے کم اے سریع القدم
Tera pehla qadam aoj-e-sidrah pe tha ae mere muqtada
Aoj-e-qausain ka fasla bhi hai kam ae sari' ul-qadam
تو شہنشاہ و مختارِ دنیا و دیں رحمتِ عالمیں
دوجہانوں پہ ہیں تیرے لطف و نعم اے جمیع الحشم
Tu shahenshah o mukhtar-e-dunya o deen rehmat-e-alameen
Do jahanon pe hain tere lutf o nem ae jami' ul-hasham
بیتِ معمور پر بھی ہے جھنڈا ترا اے حبیبِ خدا
رفعتوں پر ترا ذکر ہے دم بدم اے رفیع العَلَم
Bayt-e-ma'moor par bhi hai jhanda tera ae habib-e-khuda
Rif'at-on par tera zikar hai dam ba dam ae rafi' ul-alam
یاد آئے جو طیبہ کے سرو سمن اے حرم کی پھبن
ٹل گئے دل کی دنیا سے رنج و الم اے وقیع الحرم
Yaad aaye jo tayyba ke sar o saman ae haram ki phaban
Tal gaye dil ki dunya se ranj o alam ae waqi' ul-haram
میری قسمت میں لکھ دیجئے سنگِ در بس پہر دو پہر
آپ کی دسترس میں ہیں لوح و قلم اے بدیع الحَکَم
Meri qismat mein likh dijiye sang-e-dar bas pehr do pehr
Aap ki dastaras mein hain loh o qalam ae badi' ul-hakam
درد فرقت کا جھیلا ہے اشفاقؔ نے تیرے مشتاق نے
آ، چھڑا لے مجھے میں ہوں مفتوحِ غم اے شجیع الاتم
Dard-e-furqat ka jheela hai Ashfaq ne tere mushtaq ne
Aa, chhuda le mujhe main hoon maftuh-e-gham ae shaji' ul-atam
Share This Naat
Share with friends and family
تیرے در پر خطا کار ہیں سر بہ خم اے وسیع الکرم
اشفاق احمد غوری