حُبِ سرور جس کی خاطر جان ہے ایمان ہے
وہ غلامِ مصطفیٰؐ ہے بس یہی پہچان ہے
Hub-e sarwar jis ki khatir jaan hai imaan hai
Woh ghulam-e Mustafa (S.A.W) hai bas yahi pehchaan hai
آپ کے صدقے ملی ہم کو خدا کی معرفت
اے شہِ کونین ہم پر آپ کا احسان ہے
Aap ke sadqay mili hum ko Khuda ki maarifat
Ae shah-e Kainat hum par aap ka ehsaan hai
جو عمل پیرا ہیں دل سے سنتِ سرکار پر
وہ غلامانِ پیمبر ہیں یہی پہچان ہے
Jo amal parey hain dil se sunnat-e Sarkaar par
Woh ghulaman-e Paighambar hain yahi pehchaan hai
خاتمہ بالخیر جس کا ہو گیا ایمان پر
ہر سوالِ قبر اس کے واسطے آسان ہے
Khatima bil khair jis ka ho gaya imaan par
Har sawal-e qabar us ke wastay aasan hai
مشعلِ راہِ ہدایت ہے حدیثِ مصطفیٰؐ
زندگی کا اِک مکمل ضابطہ قرآن ہے
Mashal-e raah-e hidayat hai hadees-e Mustafa (S.A.W)
Zindagi ka ik mukammal zabita Quran hai
مل گیا صدیق جیسا رہنمائے زندگی
درسگاہِ مصطفیٰؐ کے فیض کی کیا شان ہے
Mil gaya Siddiq jaisa rahnuma-e zindagi
Darsgah-e Mustafa (S.A.W) ke faiz ki kya shaan hai
پیش دنیا کر نہ پائی آج تک جس کی نظیر
اس قدر بہتر عمر کے عدل کی میزان ہے
Pesh duniya kar na pai aaj tak jis ki nazeer
Is qadar behtar Umar ke adl ki mazaan hai
ساکنانِ عرش بھی کرتے ہیں جس کا تذکرہ
کیا حیاداریِ عثماں کی نرالی شان ہے
Sakana-e Arsh bhi karte hain jis ka tazkara
Kya haya dari-e Usman ki nirali shaan hai
فاتحِ خیبر کی شانِ حیدری کو دیکھ کر
لشکرِ باطل کا ہر اِک سورما حیران ہے
Fateh-e Khyber ki shaan-e Haidari ko dekh kar
Lashkar-e batil ka har ik surma hairaan hai
بہرِ مدحت منبرِ رحمت پہ آقاؐ دیں جگہ
مرتبہ حسان بن ثابت کا عالی شان ہے
Behr e madah manbar-e rehmat pe Aaqa (S.A.W) dein jagah
Martaba Hassaan bin Sabit ka aali shaan hai
یا خدا احسؔن کو بھی دکھلا دے وہ شہرِ نبیؐ
آج بھی جاری جہاں سرکار کا فیضان ہے
Ya khuda Ahsan ko bhi dikhla de woh shehar-e Nabi (S.A.W)
Aaj bhi jari jahan Sarkaar ka faizaan hai
Share This Naat
Share with friends and family
حُبِ سرور جس کی خاطر جان ہے ایمان ہے
احسن اعظمی