سوتا ہوں اس امید پہ ہر بار یا نبیؐ
بن جائے کوئی صورتِ دیدار یا نبیؐ
Sota hoon is umeed pe har baar ya Nabiؐ
Ban jaaye koi soorat-e-deedaar ya Nabiؐ
اُمّت کو مشکلات سے آقاؐ نکال دیں
سارے عدو ہیں در پئے آزار یا نبیؐ
Ummat ko mushkilat se aaqaؐ nikaal dein
Saare adu hain dar paye aazaar ya Nabiؐ
فرقوں میں منقسم تری اُمّت کو سر بسر
گھیرے ہوئے ہے فتنۂ تاتار یا نبیؐ
Firqon mein munqasim teri ummat ko sar basar
Ghere hue hai fitna-e-taataar ya Nabiؐ
ہوگا لحد میں آپ کا دیدار جس گھڑی
کام آئیں گے یہ نعت کے اشعار یا نبیؐ
Hoga lahd mein aap ka deedaar jis ghari
Kaam aayenge ye naat ke ashaar ya Nabiؐ
اقصٰی میں انبیاء ہیں کھڑے منتظر حضورؐ
سب انبیاء کے آپ ہیں سردار یا نبیؐ
Aqsa mein anbiya hain kharay muntazir Huzoorؐ
Sab anbiya ke aap hain sardar ya Nabiؐ
منصب شفیعِ حشر کا ملنا ہے آپ کو
ہوں گے ضرور آپ ہی مختار یا نبیؐ
Mansab shafi-e-hashr ka milna hai aap ko
Honge zaroor aap hi mukhtaar ya Nabiؐ
ناموسِ مصطفٰیؐ پہ جو گردن نہ کٹ سکے
عاصی کی زندگی ہے یہ بیکار یا نبیؐ
Namoos-e-Mustafaؐ pe jo gardan na kat sake
Aasi ki zindagi hai ye bekaar ya Nabiؐ
پیشِ نظر جلیل ہے گر سیرتِ رسول
ہوگا ضرور صاحبِ کردار یا نبیؐ
Pesh-e-nazar Jaleel hai gar seerat-e-Rasool
Hoga zaroor saahib-e-kirdar ya Nabiؐ
Share This Naat
Share with friends and family
سوتا ہوں اس امید پہ ہر بار یا نبیؐ
حافظ عبدالجلیل