تعیّنات کی حد میں نہیں مَقامِ حضورؐ
کہ اَوجِ عرش سے بالا ہے اَوجِ بامِ حضورؐ
Taayunaat ki hadd mein nahi maqam-e-Huzoorؐ
Ke aoj-e-arsh se bala hai aoj-e-baam-e-Huzoorؐ
جبیں حرم میں جھکی دِل جھکا مدینے میں
ضرور روحِ عبادت ہے احترامِ حضورؐ
Jabeen haram mein jhuki dil jhuka madine mein
Zaroor rooh-e-ibadat hai ehteram-e-Huzoorؐ
لبِ خلوص پہ جب مُصطفےٰ کا نامِ آیا
تو روح جھوم کے پڑھنے لگی سلامِ حضورؐ
Lab-e-khuloos pe jab Mustafa ka naam aaya
To rooh jhoom ke parhne lagi salaam-e-Huzoorؐ
خدا گواہ سراپا دُرود بن جَائے
جِسے نصیب ہو قسمت سے ایک جامِ حضورؐ
Khuda gawah sarapa durood ban jaye
Jise naseeb ho qismat se aik jaam-e-Huzoorؐ
خدا غنی ہے کمی کچھ نہیں خزانے میں
جو مانگنا ہے وہ مانگو مگر بنامِ حضورؐ
Khuda ghani hai kami kuch nahi khazane mein
Jo maangna hai wo maango magar banam-e-Huzoorؐ
جہاں جہاں بھی مصائب ہمیں ستاتے ہیں
ہزاروں رحمتیں آتا ہے لیکے نامِ حضورؐ
Jahan jahan bhi masaib humein satate hain
Hazaron rehmatain aata hai leke naam-e-Huzoorؐ
وہی ہیں ساقئِ تسنیم و ساقئ ِ کوثر!!
نہ تشنہ کام رہیں گے نہ تشنہ کامِ حضورؐ
Wohi hain saaqi-e-Tasneem o saaqi-e-Kausar!!
Na tashna kaam rahein ge na tashna kaam-e-Huzoorؐ
زبانِ خواجہ کونین ہے خدا کی زبان
کلامِ خالقِ کونین ہے کلامِ حضورؐ
Zuban-e-khawaja kawnain hai Khuda ki zuban
Kalam-e-khaliq-e-kawnain hai kalam-e-Huzoorؐ
سلام کرتی ہے ہر مَوج مجھ کو یوں خالِدؔ
مِرے سفینے پہ لکھا ہوا ہے نامِ حضورؐ
Salaam karti hai har mauj mujh ko youn Khalidؔ
Mere safeene pe likha hua hai naam-e-Huzoorؐ
Share This Naat
Share with friends and family
تعیّنات کی حد میں نہیں مَقامِ حضورؐ
خالد محمود خالد