naat
لب پر نعتِ پاک کا نغمہ کل بھی تھا اور آج بھی ہے
لب پر نعتِ پاک کا نغمہ کل بھی تھا اور آج بھی ہے
میرے نبی سے میرا رشتہ کل بھی تھا اور آج بھی ہے
Lab par naat-e-paak ka naghma kal bhi tha aur aaj bhi hai
Mere nabi se mera rishta kal bhi tha aur aaj bhi hai
پست وہ کیسے ہو سکتا ہے جس کو حق نے بلند کیا
دونوں جہاں میں اُن کا چرچا کل بھی تھا اور آج بھی ہے
Past wo kaise ho sakta hai jis ko haq ne buland kiya
Dono jahan mein un ka charcha kal bhi tha aur aaj bhi hai
اور کسی جانب کیوں جائیں اور کسی کو کیوں دیکھیں
اپنا سب کچھ گنبدِ خضرا کل بھی تھا اور آج بھی ہے
Aur kisi janib kyu jaayen aur kisi ko kyu dekhen
Apna sab kuch gunbad-e-khazra kal bhi tha aur aaj bhi hai
فکر نہیں ہے ہم کو کچھ بھی دُکھ کی دھوپ کڑی تو کیا
ہم پر ان کے فضل کا سایہ کل بھی تھا اور آج بھی ہے
Fikr nahi hai hum ko kuch bhi dukh ki dhoop kadi to kya
Hum par un ke fazl ka saaya kal bhi tha aur aaj bhi hai
اُن کے کرم کی خوشبو سے ہے کیسا مری قسمت کا گلاب
شاخِ چمن پر مہکا مہکا کل بھی تھا اور آج بھی ہے
Un ke karam ki khushbu se hai kaisa meri qismat ka gulaab
Shakh-e-chaman par mehka mehka kal bhi tha aur aaj bhi hai
طے کرتے ہیں نام سے ان کے دشتِ حیات کی ہر منزل
راہِ زیست میں ان کا سہارا کل بھی تھا اور آج بھی ہے
Tay karte hain naam se un ke dasht-e-hayat ki har manzil
Raah-e-zeest mein un ka sahara kal bhi tha aur aaj bhi hai
بتلا دو گستاخِ نبی کو غیرتِ مسلم زندہ ہے
ان پر مر مٹنے کا جذبہ کل بھی تھا اور آج بھی ہے
Bata do gustakh-e-nabi ko gairat-e-muslim zinda hai
Un par mar mitne ka jazba kal bhi tha aur aaj bhi hai
جس کے فیض سے بنجر سینوں نے شادابی پائی ہے
موج میں وہ رحمت کا دریا کل بھی تھا اور آج بھی ہے
Jis ke faiz se banjar seenon ne shaadabi paayi hai
Mauj mein wo rehmat ka darya kal bhi tha aur aaj bhi hai
زادِ سفر کی فکر میں گم تھا عشق نے مجھ کو بتلا یا
دل سے مدینے کا اِک رستہ کل بھی تھا اور آج بھی ہے
Zaad-e-safar ki fikr mein gum tha ishq ne mujh ko batla ya
Dil se madine ka ik rasta kal bhi tha aur aaj bhi hai
جن آنکھوں سے طیبہ دیکھا وہ آنکھیں بے تاب ہیں پھر
ان آنکھوں میں ایک تقاضا کل بھی تھا اور آج بھی ہے
Jin aankhon se tayyaba dekha wo aankhen be-tab hain phir
Un aankhon mein ek taqaza kal bhi tha aur aaj bhi hai
ان کے در سے سب ہو آئے جا نہ سکا تو ایک صبیحؔ
یہ کہ اک تصویرِ تمنّا کل بھی تھا اور آج بھی ہے
Un ke dar se sab ho aaye ja na saka to ek Sabih
Ye keh ek tasveer-e-tamanna kal bhi tha aur aaj bhi hai
Share This Naat
Share with friends and family
لب پر نعتِ پاک کا نغمہ کل بھی تھا اور آج بھی ہے
سید صبیح الدین صبیح رحمانی