یادِ نبیؐ کی کرتی آئینہ داری راتیں
حب و ولا کی مستی ، کرتی ہیں طاری راتیں
Yaad-e-nabi (ﷺ) ki karti aaina daari raatein
Hub o wala ki masti, karti hain taari raatein
ہجر مدینہ میں ہیں ، مجھ پر جو بھاری راتیں
رہتی ہیں ساتھ محوِ ، اختر شماری راتیں
Hijr madinah mein hain, mujh par jo bhaari raatein
Rehti hain saath mahw-e, akhtar shumaari raatein
دل حبِ مصطفیٰؐ کی ، ہے روشنی کا طالب
ظلمت کدہ ہے دنیا ، لاتی ہیں خواری راتیں
Dil hub-e-mustafa (ﷺ) ki, hai roshni ka taalib
Zulmat kada hai duniya, laati hain khuwaari raatein
تیرہ شبی کی باتیں ، خوابوں میں بھی نہیں ہیں
ہیں رشکِ مہرِ تاباں ، طیبہ کی ساری راتیں
Teerah shabi ki baatein, khwabon mein bhi nahin hain
Hain rashk-e-mehr-e-taaban, tayyaba ki saari raatein
در پر پڑا ہوں ان کے ، مقصد کو پا لیا ہے
ہستی کی اس پہ ساری ،میں نے ہیں واری راتیں
Dar par pada hoon un ke, maqsad ko paa liya hai
Hasti ki is pe saari, maine hain waari raatein
تنہائیوں میں جن کی ، لکھتا ہوں میں ثنائیں
راتوں میں وہ ہیں یکتا ، سب سے ہیں پیاری راتیں
Tanhaaiyon mein jin ki, likhta hoon main sanaayein
Raato mein woh hain yakta, sab se hain pyaari raatein
میلاد کے دنوں میں ، عشّاق کے گھروں میں
مدحت کی محفلوں سے ، ہوتی ہیں نیاری راتیں
Milaad ke dinon mein, ashaaq ke gharon mein
Madhat ki mehfilon se, hoti hain nyaari raatein
حاصل ہیں زندگی کا ، فردِ عمل کی زینت
جتنی نبیؐ کے در پر ، ہم نے گزاری راتیں
Haasil hain zindagi ka, fard-e-amal ki zeenat
Jitni nabi(ﷺ) ke dar par, hum ne guzaari raatein
ماں تھی سناتی نعتیں ، بابا درود پڑھتے
قسمت سے میری ہائے ، وہ ہیں سدھاری راتیں
Maan thi sunaati naatein, baba durood parhte
Qismat se meri haaye, woh hain sudhaari raatein
کہ کر نبیؐ کی نعتیں ، پڑھ کر درود ان پر
صد شکر ہم نے طاہرؔ ، اپنی سنواری راتیں
Keh kar nabi(ﷺ) ki naatein, parh kar durood un par
Sad shukr humne aahir, apni sanwaari raatein
Share This Naat
Share with friends and family
یادِ نبیؐ کی کرتی آئینہ داری راتیں
پروفیسر محمد طاہر صدیقی