وہ نور برستا ہے دن رات مدینے میں
کیا شمس و قمر کی ہے اوقات مدینے میں
Wo noor barasta hai din raat Madine mein
Kya shams o qamar ki hai auqaat Madine mein
نعلینِ مبارک کے ذرّات مدینے میں
تاروں کی بتاتے ہیں اوقات مدینے میں
Na’lain-e-Mubarak ke zarrat Madine mein
Taron ki batate hain aukaat Madine mein
کیاخوب سنورتے ہیں حالات مدینے میں
سرکارِ دو عالم کی ہے ذات مدینے میں
Kya khoob sanwarte hain halaat Madine mein
Sarkar-e-do aalam ki hai zaat Madine mein
جوسنگِ ستم کھاکر دشمن کو دعائیں دے
ہے خُلق کے پیکر کی وہ ذات مدینے میں
Jo sang-e-sitam kha kar dushman ko duaein de
Hai khulq ke paikar ki wo zaat Madine mein
گر رزق ہمارا بھی طیبہ میں لکھا ہوگا
پہنچیں گےکبھی ہم بھی حضرات مدینے میں
Gar rizq hamara bhi Taybah mein likha hoga
Pahunchain ge kabhi hum bhi hazraat Madine mein
سرکار ہوں خوش جن سے اعمال نہیں ایسے
لے جاؤں گا اشکوں کی سوغات مدینے میں
Sarkar hon khush jin se aamal nahin aise
Le jaoon ga ashkon ki sughaat Madine mein
جس کےلئے وقت اپنا دم سادھ کے بیٹھا تھا
معراج کے دولہا کی وہ ذات مدینے میں
Jis ke liye waqt apna dam saadh ke baitha tha
Mairaj ke dulha ki wo zaat Madine mein
قرآں کے تعلق سے ہیں دونوں ہی جا افضل
کچھ مکے میں اُتریں کچھ آیات مدینے میں
Qur’aan ke ta’alluq se hain dono hi ja afzal
Kuch Makke mein utrein kuch ayat Madine mein
تجھ کو بھی شفیقؔاِک دن سرکار بلائیں گے
نعتوں کی، لئے چلنا سوغات مدینے میں
Tujh ko bhi Shafiq aik din Sarkar bulayenge
Na’aton ki, liye chalna sughaat Madine mein
Share This Naat
Share with friends and family
وہ نور برستا ہے دن رات مدینے میں
شفیق ؔ رائے پوری